យើងធ្វើសាច់ថ្លៃគ្នា ប្អូនអូនបងជាអ្នកមើលថែ អេដមីនស្តាប់ហើយមិនដឹងថាលោកថេណាស្រលាញ់បងរឺស្រលាញ់ប្អូនអោយប្រាកដ? មួយបទនេះលោកថេណាលេងមួយអស់ដៃតែម្តង ជាមួយនឹងលោក Glomyy Vincent កញ្ញា Sophia Kao និងលោកYT ដែលពាំនាំយកចង្វាក់ RNB ស្នេហារសជាតិថ្មីមកក្នុងបទចំរៀងថ្មី "SHE BAD" របស់លោក។ បទ "SHE BAD" នេះទើបតែចេញបានរយៈពេល៣ថ្ងៃប៉ុណ្ណោះនៅលើយូធូបនៅក្នុងថ្ងៃទី១១ ខែ១១ ឆ្នាំ២០២២ ក៏ទទួលបានចំណាត់ថ្នាក់ Top 4 Trending នៅលើយូធូបទៅហើយ។
គួរបញ្ជាក់ផងដែរបទចំរៀងមួយនេះទាំងការច្រៀង និងការសរសេរទំនុកច្រៀងគឺធ្វើឡើងដោយអ្នកទាំង៤រួមបញ្ចូលគ្នាតែម្តងមើលទៅពិតជាប្លែកអារម្មណ៍ណាស់ ហើយក៏រំភើបរីករាយផងដែរដែលសិល្បករមកពីប្រភពផ្សេងៗគ្នាចាប់ដៃគ្នាធ្វើបទមួយនេះឡើង។ លោក Glomyy Vincent បានលើកឡើងថាលោកពិតជាសប្បាយចិត្តដែលអាចចែករំលែកអារម្មណ៍ខ្លះៗទៅតាមបទចំរៀងមួយនេះ។ ថ្មីៗនេះផងដែរលោក GlomyyVincent ក៏ទើបតែចាប់ផ្តើមលេង Tik Tok និងបានចែករំលែកវីដេអូខ្លីដែលលោកច្រៀងបទនេះនៅលើ Tik Tok ទៀតផង។ យ៉ាងណាមិញមានទស្សនិកជនជាច្រើនចង់ដឹងថាតួឯកស្រីនៅក្នុងបទចំរៀងនេះមានឈ្មោះអ្វី តែនៅមិនទាន់មាននរណាបានដឹងនៅឡើយទេ បើទស្សនិកជទាំងអស់គ្នាដឹងកុំភ្លេចខមមែនប្រាប់អេដមីននៅខាងក្រោមនេះផង!
