តើទស្សនិកជនមានចាំដែររឺទេ កាលពីផ្ទុះព័ត៌មានកក្រើកអំពីលោកហេងវិសាល និងកញ្ញាស្រីនាលួចសម្តែងថត M/V បទ«Private» របស់លោក Noly Records និងលោកថេណាស្ងាត់ៗនៅក្នុងពិធីភ្ជាប់ពាក្យ?ដែលធ្វើអោយទស្សនិកជនជាច្រើនមានចំងល់ថាតើនេះគឺជាការភ្ជាប់ពាក្យរបស់ពួកគេពិតប្រាកដ រឺមួយក៏ជាការថត MV? ក្រោយមកការពិតក៏ត្រូវបានលាតត្រដាងឡើងនៅក្នុងរឿងដ៏កក្រើកនៃពិភព Net មួយនេះ ដោយតាមរយៈការបកស្រាយ រួមទាំងអត្ថន័យពីបទចម្រៀង«Private» នេះផងដែរ ដែលមានរៀបរាប់ពីប្រវត្តិស្នេហ៍ពិតៗរបស់ពួកគេខ្លះៗ។

យ៉ាងណាមិញកាលពីពេលថ្មីៗនេះ លោកថេណាបានធ្វើអោយផ្ទុះកក្រើកក្លិនចំហាយរឿងស្នេហ៍របស់ពួកគេម្តងទៀតតាមរយៈការបញ្ចេញ Poster បទចម្រៀងថ្មីរបស់លោកដែលមានបង្ហាញតួអង្គរបស់ពួកគេទាំងពីរនាក់រំលេចជាមួយនឹងតួអក្សរចំំណងជើងធំៗថា«ជួបលែងឃ្លាត» រឺហៅម្យ៉ាងទៀតថា«Eternal Love»។

លោកថេណាហាក់ដូចជាស៊ីខ្សែនឹងគូស្នេហ៍មួយគូនេះណាស់​​ បន្ទាប់ពីអស់រយៈពេល៨ខែនៃការចេញផ្សាយបទចម្រៀង«Private» របស់លោករួមជាមួយនឹងលោក Noly Records ហើយ ក៏លោកនៅតែមានបទចម្រៀងថ្មីៗដែលរៀបរាប់ពីគូស្នេហ៍មួយគូនេះដែរ។ 

យ៉ាងណាមិញកត់សម្គាល់ឃើញថាលោកថេណាក៏បានបង្ហើបអត្ថន័យថ្ពក់ចិត្តអោយដឹងមុនខ្លះៗផងដែរ តាមរយៈខេនសិនរបស់លោកដូចជា«យើងជួបគ្នាហើយ មិនឃ្លាតគ្នាទេ គូស្នេហ៍ពិត តួអង្គពិត» និង«យើងជាគូស្នេហ៍ យើងដូចជាកញ្ចក់ឆ្លុះគ្នា ស្គាល់ចិត្តគ្នាច្បាស់ដូចជាថ្ងៃ» និងរួមទាំង Teaserដែលទើបនឹងចេញផ្សាយកាលពីថ្ងៃទី២២ ខែមិថុនានេះផងដែរ។ ចុះទស្សនិកជនយល់ឃើញយ៉ាងណាដែរ?