បន្ទាប់ពីវិដេអូចម្រៀង«Anti-Hero» និង«Bejeweled»របស់Taylor Swift នៅក្នុងអាល់ប៊ុម Midnightបានចេញផ្សាយរួចមក បទចម្រៀង Visual ទី១នៅលើអាល់ប៊ុមនេះផ្ទាល់«Lavender Haze» នឹងក្លាយជាវិដេអូចម្រៀងទី៣ដែល TaylorSwift គ្រោងនឹងចេញផ្សាយនៅវេលាយប់ម៉ោង១២អធ្រាត្រឈានចូលថ្ងៃទី២៧ ខែមករានេះ។នៅទីបំផុត Taylor Swift បានធ្វើការត្រៀមទំលាក់ MV “Lavender Haze” ហើយដោយមានការបង្ហោះពន្ញាក់អារម្មណ៍មួយនៅលើគណនីបណ្តាញសង្គមរបស់នាងមួយចំនួនកាលពីព្រឹកថ្ងៃព្រហស្បតិ៍ទី២៦នេះ។ អ្នកចម្រៀង Pop វ័យ៣៣ឆ្នាំរូបនេះបានប្រកាសចេញផ្សាយវិដេអូចម្រៀងទី៣របស់ខ្លួនដែលជាបទ Visualទី១ នៅក្នុងអាល់ប៊ុម Midnight ដែលគ្រប់គ្នាកំពុងទន្ទឹងរង់ចាំអស់រយៈពេលជាយូរ និងមានផ្សាយបន្តផ្ទាល់នៅម៉ោង​​​១២យប់ពាក់កណ្តាលអធ្រាត្រនេះតែម្តង។

Taylor Swift បានសរសេរខេបសិននៅលើការបង្ហោះនោះឡើងថា«Meet me at midnight…for the Lavender Haze music video premiere (!!!!!!!!)»នាងក៏បានចែករំលែកវិដេអូ Teaser ខ្លីមួយរយៈពេល៩វិនាទី ដែលមានរូបរបស់នាងអង្គុយលើគ្រែ ពាក់អាវយឺតធំ ជាមួយនឹងគូស្នេហ៍របស់នាងគេងក្បែរនោះហើយមានផ្សែងពណ៌ស្វាយសាយភាយចេញមកនៅពេលភ្លេងចាប់ផ្តើមលេង។ ការរង់ចាំ Premiere បទនេះក៏កំពុងតែធ្វើឡើងដូចគ្នានៅលើឆាណែលយូធូបផ្លួវការរបស់ Taylor Swift ផងដែរ ដែលមានរូបនាងអង្គុយងូតទឹកនៅក្នុងទឹកខាប់ពណ៌ស្វាយ សក់ទទឹកជោគ និងមានបបូរមាត់ពណ៌ Dark Violet។ គួរបញ្ជាក់ផងដែរ Taylor Swift បានរង់ចាំវិដេអូចម្រៀង«Lavender Haze» នេះអស់រយៈពេលជាង៣ខែមកហើយ រាប់ចាប់តាំងពីការចេញផ្សាយវិដេអូចម្រៀងនៃបទ«Bejeweled» កាលពីចុងខែតុលាកន្លងទៅនេះ។ ចំណែកបទនេះផងដែរក៏បានចេញផ្សាយត្រឹមតែ២សប្តាហ៍ប៉ុណ្ណោះបន្ទាប់ពីការទំលាក់បទ Lead Single ទី១ «Anti-Hero»។