កាលពីថ្ងៃទី២១ ខែកក្កដាកន្លងទៅនេះ Taylor Swift បានចេញនូវអាល់ប៊ុមថ្មីដែលមានឈ្មោះថា Midnight ហើយបទចំរៀងមួយបទរបស់នាងដែលនៅក្នុងអាល់ប៊ុមនោះមានចំណងជើងថា Snow on the beach គឺជាការសម្តែងរួមគ្នាជាមួយនឹង Lana Del Rey។ 

Taylor Swift បានបង្ហាញចំណាប់អារម្មណ៍របស់នាងនៅលើគណនី Instagram ថា នាងគឺជាអ្នកគាំទ្រម្នាក់របស់ Lana Del Rey ចំណែកបទចំរៀងមួយនេះគឺនិយាយអំពីការធ្លាក់ក្នុងសេចក្តីស្រលាញ់ជាមួយនរណាម្នាក់នៅក្នុងពេលជាមួយគ្នាដែលពួកគេក៏ធ្លាក់ក្នុងអន្លង់ស្នេហ៍យើងវិញដូចគ្នា។ Taylor Swift ក៏បានបន្តទៀតថា Lana Del Rey គឺជាសិល្បករដ៏អស្ចារ្យម្នាក់ក្នុងគំនិតរបស់នាង ហើយកាលដែលនាងអាចមានវត្តមាននៅក្នុងសម័យកាលតែមួយជាមួយនឹង Lana Del Rey គឺជាកិត្តិយសដ៏ខ្ពង់ខ្ពស់មួយសំរាប់នាងហើយ។ នៅខណៈពេលដែលនាងព្រមជួយរួមសហការការងារជាមួយខាងក្រុមរបស់ Taylor Swift ដើម្បីផលិតនៅលើបទចម្រៀងមួយនេះគឺជាអ្វីដែលធ្វើអោយ Taylor Swift រីករាយខ្លាំងបំផុតហើយ។

យ៉ាងណាមិញផងដែរបទចម្រៀងមួយនេះ Taylor Swift និង​​​Lana Del Reyបានសហការនិពន្ធឡើងជាមួយគ្នាថែមទៀតផង។ អ្វីដែលធ្វើមនុស្សមួយចំនួនមានការមិនពេញចិត្ត Taylor Swift នោះគឺនៅពេលដែលបទចំរៀងត្រូវបានផ្សាយចេញ ហើយ Lana Del Rey មិនមាន Verse ចម្រៀងរបស់ខ្លួននាងនោះទេ​​​ មានត្រឹមតែ Vocal ចម្រៀង Background ប៉ុណ្ណោះ។ នេះគឺជាមូលហេតុដែលធ្វើអោយទាំងអ្នកគាំទ្ររបស់ Taylor Swift និង Lana Del Rey មានការមិនពេញចិត្ត ជាហេតុធ្វើអោយ Lana Del Rey ក្លាយទៅជា Trending Troll មួយនៅលើ Twitter ហើយមិនមែនជានៅក្នុងរូបភាពល្អប៉ុន្មាននោះទេ។