ម្តាយរបស់នាងបានបដិសេធច្បាស់ៗ និង​មិន​ជឿ​ថា កូនស្រី​របស់​នាង​គ្រាន់តែ​ធ្លាក់​ពី​ទូក​លឿនដោយងាយៗបែបនេះនោះទេ។ ម្តាយរបស់នាងបានបន្តថានេះគ្រាន់តែជាបង្កើតទ្រឹស្តីផ្សំគំនិត ដើម្បីបំភាន់ផ្នែកមហាជននិងប៉ូសីសដើម្បីរួចខ្លួនអំពីអំពីអាក្រក់របស់ពួកគេប៉ុណ្ណោះ។ អ្នកស៊ើបអង្កេត Panida Sirayutthayothin បានស្វែងរកឃើញព័ត៌មានលម្អិតដែលពាក់ព័ន្ធជាច្រើន ដើម្បីដាក់បញ្ចូលនូវការបកស្រាយអំពីសេណារីយ៉ូ ដែលពាក់ព័ន្ធនឹងតារាសម្តែងទូរទស្សន៍រូបនេះ ត្រូវបានអញ្ចើញមកវិធីជប់លៀង នៅលើទូករបស់ជនសង្ស័យ​និងបានធ្វើដំណើរពី Thon Buri ឆ្ពោះទៅខេត្ត Nonthaburi ដែលនាងគ្មានទំនាក់ទំនងជិតស្និតជាមួយពួកគេសោះ និងត្រូវបានរុញច្រានពីលើទូកដើម្បីមានចេតនាអោយនាងមានគ្រោះថ្នាក់។ ទោះបីជាការពិតនាងកំពុងធ្វើដំណើរជាមួយមិត្តភក្តិថ្មីៗ និងអ្នកគ្រប់គ្រងរបស់នាងក៏ដោយ។ លោក Eakpan Bunluerit បុគ្គលិកជួយសង្គ្រោះស្ម័គ្រចិត្ត និងជាតារាសម្ដែងដែលបានចូលរួមជាមួយភ្នាក់ងារស្វែងរក បាននិយាយថា មានការរកឃើញថាមានស្នាមរបួសយ៉ាងដំណំនៅលើជើងរបស់ Tangmo ។

ប៉ូលីសបាននឹងកំពុងស្វែងរកភស្តុតាងបន្ថែមទៀតដើម្បីគាំទ្រទ្រឹស្តីនិងការអះអាងរបស់ជនរងគ្រោះ ហើយក៏បានពិចារណាលើការចោទប្រកាន់ទៅកាន់ម្ចាស់ និងអ្នកបើកបរទូកដែលធ្វើអោយមានការធ្វេសប្រហែសដែលបណ្តាលឱ្យស្លាប់បែបនេះ។ ក្រុមជួយសង្គ្រោះបានរកឃើញសាកសពរបស់តារាស្រីវ័យ ៣៧ ឆ្នាំរូបនេះបានអណ្តែតប្រហែល ៣០០ ម៉ែត្រពីផែ Phibul Songkhram ក្នុងខេត្ត Nonthaburi វេលាម៉ោង ១ និង ១០ នាទីរសៀល។ ប្រហែល​មួយ​គីឡូ​ម៉ែត្រ​ពី​កន្លែងកើតហេតុ។

មនុស្សទាំង 6 នាក់នៅលើទូក រួមទាំងអ្នកគ្រប់គ្រងរបស់ Tangmo ដែលមានឈ្មោះថា Kratik និងម្ចាស់ទូក Tanupat Lerttaweewit បានបញ្ជាក់ថា ការជិះទូកកម្សាន្តនេះ ដើម្បីជាកិច្ចជួបជុំអាហារពេលល្ងាច ប៉ុន្តែម្តាយរបស់ Tangmo បដិសេដទាំងស្រុង ដោយបាននិយាយថា វាច្បាស់ជាជាប់ពាក់ព័ន្ធ ទៅនឹងការថតរូបផ្សព្វផ្សាយ ដោយសារតែកូនស្រីរបស់នាងស្លៀកពាក់និងរៀបចំខ្លួនដើម្បីធ្វើការនេះ ហើយម្តាយរបស់នាងក៏ចង់ដឹងថាតើនរណាជាអ្នកជួលនាងផងដែរ។ 

ម្តាយរបស់នាង​បាន​បង្ហាញថា​រូបថត​សន្លឹកជាច្រើន​ដែល​បាន​បង្ហោះ​តាម​អ៊ីនធឺណិត​​បង្ហាញ​ពី​ការ​ធ្លាក់​ចុះ​Tangmo អង្គុយ​ម្នាក់​ឯង​នៅ​ខាង​ក្រោយ​ទូកដើម្បីបន្ទោរបង់នោះគឺ ជា​ភស្តុតាង​មួយដែលមាន​អ្វី​ខុសប្រក្រតីនិងមិនអាចទៅរួច។ អ្នក​ដំណើរ​ជា​ច្រើន​នាក់​ត្រូវ​បាន​សារព័ត៌មាន​ថៃ​ស្រង់​សម្ដីថា​ បង្គន់​របស់​ទូក​បាន​ខូច ដែល​បង្ខំ​ឲ្យ​មនុស្ស​សម្រាក​នៅ​ត្រង់​កប៉ាល់។ ម្ដាយ​របស់ Tangmo អះអាង​ថា ទាំងមេ​ប៉ូលិសនិងឧត្តមសេនីយទោ ដែលធ្វើការលើរឿងនេះ បានអះអាង ក្រៅពីការស្វែងរកការពិតនេះ ក៏នៅមានចោទប្រកាន់ទៅលើកំហុសឆ្គងរបស់ម្ចាស់ទូកនិងអ្នកបើកបរដោយអាជ្ញាប័ណ្ណផុតកំណត់ផងដែរ។

Source: Bangkok Herald

រៀបរៀង​និងប្រែសម្រួល: Samnang