នៅព្រឹកថ្ងៃទី២ ខែមិនា ឆ្នាំ២០២៤ ឯកឧត្តម ជាម ប៉េអា អ្នកតំណាងរាស្ត្រមណ្ឌលព្រៃវែងនិងជាអនុប្រធានក្រុមការងារគណបក្សចុះមូលដ្ឋានស្រុកសុីធរកណ្តាលបានអញ្ជើញជាអធិបតី និងមានការចូលរួមពីលោក លោកស្រី ក្រុមប្រឹក្សាឃុំ អាជ្ញាធរភូមិឃុំ លោកតា លោកយាយព្រមទាំងប្រជាពលរដ្ឋប្រមាណ៥៥០នាក់ ស្រី១៣៥នាក់ ដើម្បីសម្ភោធសមិទ្ធិផលនានារួមមានក្លោងទ្វារ សាលាធម្មសភា និងការចាក់ផ្លូវបេតុងក្នុងវត្តមានតំលៃសរុប៨៥០០០ដុល្លា។
ឯកឧត្តមបានពាំនាំប្រសាសន៏ផ្តាំផ្ញើសាកសួរសុខទុក្ខដ៏ថ្លៃថ្លាពីសម្តេចមហារដ្ឋសភាធិការធិបតីឃួន សុដារីប្រធានរដ្ឋសភា និងសម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃព្រះរាជាណាចក្រកម្ពុជាជូនចំពោះលោកតា លោកយាយពូមីងបងប្អូនទាំងអស់នូវការនឹករលឹកជាពនពេកនិងជូនពរបងប្អូនទាំងអស់ជួបតែសេចក្តីសុខចំរើនរុងរឿងនិងសុខភាពល្អបរិបូរណ៏គ្រប់ពេលវេលា។
ឯកឧត្តមក៏ចូលរួមកោតសរសើរប្រជាពលរដ្ឋខេត្តព្រៃវែងដែលថែរក្សាវប្បធម៌នៃការចូលរួមក្រោមម្លប់សន្តិភាពដែលកំពុងកើតមាននៃមរតមហាសាលជាប្រវត្តិសាស្រ្តរបស់បិតាសន្តិភាពសម្តេចតេជោ ដែលខេត្តនេះមានវត្តចំនួន៥៣៣វត្តច្រើនជាងគេបើប្រៀបធៀបជាមួយ២៥រាជធានីខេត្ត និងសមិទ្ធផលថ្មីៗជាច្រើនរបស់រាជរដ្ឋាភិបាលដែលមានទីកន្លែងនេះជាតឹកតាងស្រាប់។
ឱកាសនោះឯកឧត្តមបាននាំយកនូវបច្ច័យមួយចំនួនដើម្បីចូលរួមក្នុងពិធីបុណ្យនោះផងដែរ។