យ៉ាងណាមិញ លោកវណ្ណដា បានបង្ហោះនូវសារពញ្ញាក់ជាច្រើនថ្មីៗនេះ។ ជាក់ស្តែងកាលពីដើមខែកុម្ភៈ លោកបានផុសនូវរូបភាពនិងសារជាអក្សរថា ខែក្រោយចង់ធ្វើអ្វីមួយបែបសប្បាយៗវិញម្តង។
មិនតែប៉ុណ្ណោះ តាមរយៈការបង្ហោះ Story នៅលើបណ្តាញសង្គម Instagram របស់លោក នាពេលថ្មីៗនេះ បានបើកឲ្យសួរសំនួរខ្លះៗទៅកាន់រូបលោកផ្ទាល់ដើម្បីជជែកលេងកម្សាន្ត។ ក្នុងនោះមានអ្នកគាំទ្រលោកម្នាក់បានសួរនូវសំណួរថា តើលោកនឹងមានកម្រោងបង្កើតនូវចម្រៀងច្រៀងរួមគ្នាជាមួយតារារូបណាមួយដែលនឹងអាចជាការដល់ការភ្ញាក់ផ្អើលរបស់ហ្វេនៗឬអត់? ប៉ុន្មានម៉ោងក្រោយមកលោកក៏បានធ្វើការចែករំលែកនូវសំណួរនោះនិងបានថែមទាំងឆ្លើយថា Yesssir, Alottt និងបានថែមទាំងដាក់ Emoji ដែលសរសេរថា Soon ផងដែរ។
អ្វីដែលកាន់តែពិសេសនិងនឹកស្មានមិនដល់ទៅទៀតនោះ កាលពីថ្ងៃទី៧ ខែមីនា លោកបានថែករំលែកនូវ Story ចម្លែកមួយដោយ អរគុណដល់ក្រុមងារផលិតនិងថត MV របស់លោកន្លងមក ដោយបានបញ្ជាក់ថា យើងបានសម្រេចសមិទ្ធផលថ្មីម្តងទៀត។
ទោះជា លោកមិនទាន់បានបញ្ចាក់ច្បាស់ៗថា លោកនឹងចេញបទអ្វី ចង្វាក់អ្វី និងអត្ថន័យយ៉ាងបែបណាក៏ដោយ ប៉ុន្តែមានគាំទ្ររបស់លោកជាច្រើននឹងទន្ទឹងរង់ចាំរហូតដល់ថ្ងៃដែលប្រកាសជាផ្លូវការ និងត្រៀមចិត្តដើម្បីទទួលយកបទពិសោធន៏ថ្មីដែលជាចំណីអារម្មណ៍ដែលលោកប៉ងប្រាថ្នាដើម្បីអោយអ្នកគាំទ្ររបស់លោកស្តាប់និងទស្សនានៅក្នុងខែថ្មីនេះ។
អត្ថបទ ដោយ Kuy Dorng & Samnang