កាលពីពេលថ្មីៗនេះ លោកជីដេវីតបានបង្ហើបឡើងនូវសមាសភាពសិល្បករចូលរួមសម្តែងនៅក្នុងកម្មវិធីការប្រគំតន្រ្តី Sting Musicverse Festival ជាមួយនឹងលោកជាបន្តបន្ទាប់យ៉ាងគួរអោយរំភើបចិត្តតែម្តង។ ដោយកាលពីសប្តាហ៍មុន លោកទើបតែទំលាយសិល្បករពិសេសៗចំនួន៤រូប ដែលនឹងក្លាយជា Main Act នៅក្នុងការប្រគំតន្រ្តីនេះ ដោយរួមមានលោកថេណា លោកស៊ូលីផេង លោកStep និងកញ្ញាវីឌីណែត ជាពិសេសថែមទាំងមានសិល្បករថៃមួយរូបទៀតផងដែរមកពីផលិតកម្ម Kamikazeគឺលោក UrBoyTJ ដែលនឹងមកចូលរួមសម្តែងជាមួយពួកគេទាំងអស់គ្នា! 

ខណៈដែលបញ្ចេញមុខសមាសភាពអាយដលម្តងម្នាក់មិនទាន់បានប៉ុន្មានផង នៅទីបំផុតលោកជីដេវីតបានធ្វើការទំលាក់សមាសភាពអាយដលទាំងអស់គ្នាដែលនឹងចូលរួមសម្តែងព្រឹត្តិការណ៍សំខាន់នេះជាមួយនឹងលោក។ ដោយនៅក្នុងនោះសិល្បករកម្ពុជាបន្ថែមទៀតរួមមានដូចជាលោក RedKing មកពីផលិតកម្ម Enation, ដៃគូរបស់លោក Kanez និងលោក Griezii មកពីផលិតកម្ម Above, លោក Zento, កញ្ញា Mina, និងលោក Ja Deth ផងដែរ។

គួរបញ្ជាក់ផងដែរ ព្រឹត្តិការណ៍មួយនេះនឹងធ្វើឡើងនៅថ្ងៃទី១២ ខែវិច្ឆិកាខាងមុខនេះ ចាប់ពីម៉ោង២PM រហូតដល់ម៉ោង ១០PM នៅឯទីធ្លា OCIC ជ្រោយចង្វារ ជាមួយនឹងតម្លៃសំបុត្រត្រឹមតែ២ដុល្លាប៉ុណ្ណោះ និងអាចរកទិញបានតាមបណ្តា App ទាំង៣រួមមាន Live, Nham24, និង E-Gets រឺទិញ Sting Combo Set នឹងទទួលបានហ្រ្វីសំបុត្រចូលរួមមួយសន្លឹកភ្លាមៗ។ តោះទស្សនិកជនកុំអោយខកខានការប្រគំតន្រ្តីដ៏ធំនេះអោយសោះ!