កាលពីថ្ងៃទី១១ ខែកុម្ភៈកន្លងទៅនេះ កញ្ញាជាស្រីនា និងលោកហេងវិសាលបានចុះទៅចែករំលែកបទពិសោធន៍ដល់ប្អូនៗសិស្សានុសិស្សនៅឯវិទ្យាល័យហ៊ុនសែនពាមជីកង ខេត្តកំពង់ចាមក្រោមការអញ្ជើញពីអង្គការ Room to Read នៅក្នុងប្រទេសកម្ពុជា។ យោងតាមការបង្ហោះរបស់អង្គការ Room to Read ផ្ទាល់បានសម្តែងថានេះគឺឳកាសមួយដែលស្រីនាបានចែករំលែកដល់ប្អូនៗកុមារីនៃកម្មវិធីអប់រំកុមារី ក្នុងវគ្គអប់រំជាក្រុមក្រោមប្រធានបទការចាប់ផ្តើមអាជីវកម្មនិងជំនាញអាជីវកម្ម។

យ៉ាងណាមិញផងដែរវត្តមានរបស់លោកហេងវិសាល និងកញ្ញាស្រីនាបានធ្វើអោយប្អូនៗសិស្សានុសិស្សទទួលស្វាគមន៍យ៉ាងរាក់ទាក់ និងកក់ក្តៅ ថែមទាំងមានការចែករំលែកបន្តគ្នាជាច្រើននៅលើបណ្តាញសង្គម Tik Tok ដោយម្នាក់ៗបានលាន់មាត់សរសើរថាពួកគេទាំងពីរនៅក្រៅពិតជាមានសំរស់ស្រស់ស្អាតពិតមែន។ បកមកមើលខាងលោកហេងវិសាលបន្តិចក៏មមាញឹកមិនចាញ់ស្រីនាប៉ុន្មាននោះទេ ព្រោះកាលវិភាគសំរាប់លោកបន្តទៅទៀតនេះមិនត្រឹមតែជូនស្រីនាមកប៉ុណ្ណោះនោះទេ តែនៅថ្ងៃទី២៦ ខែកុម្ភៈខាងមុខនេះលោកនឹងចូលរួមជាវាគ្មិនកិត្តិយសផ្ទាល់នៅក្រោមប្រធានបទ«ឈោងខ្ពស់» របស់មជ្ឈមណ្ឌលបណ្តុះបណ្តាល Ignite Cambodia នៅឯអគារ CKCC។ តើទស្សនិកជនយល់ឃើញយ៉ាងណាដែរចំពោះ ContentCreatorដ៏មានប្រជាប្រិយភាពទាំងពីររូបនេះ? Let me know in your comment below!