កាលពីថ្ងៃទី២០ ខែសីហាកន្លងទៅនេះ តារារ៉េបជំនាន់ថ្មីរហ័សនាមឥន្រ្ទីប្រចាំផលិតកម្ម Galaxy Navatra លោក Sovath Monivann បានធ្វើការបញ្ចេញនូវស្នាដៃ Teaser បទចម្រៀងថ្មីរបស់លោកមួយបទអមនឹងឃ្លាខេបសិនថា«អូនចង់ហូបបង រឺ ចង់ហូបបាយ?» នៅលើទំព័រហ្វេសប៊ុកផ្លូវការ ក៏ដូចជា Story Instagram ឆាណែលតេលេក្រាម និងជាពិសេសនៅលើគណនី Tik Tok របស់លោកដែលមានអ្នក Follow សរុបរហូតទៅដល់ជាង 2 លាននាក់ឯណោះ។
យ៉ាងណាមិញផងដែរ គួររំលឹកថាលោក Sovath Monivann ក៏ធ្លាប់បានបញ្ចេញ Teaser បទចម្រៀងរ៉េបមួយបទទៀតរបស់លោកផងដែរនៅលើ Tik Tok ដែលនៅមិនទាន់បានផ្សាយមកទល់ពេលនេះកាលពីថ្ងៃទី១៧ ខែកក្កដាកន្លងទៅនេះ។ដោយបទចម្រៀងនោះបានភ្ជាប់ជាមួយនឹងពាក្យខេបសិនថា «Cheat On Me» និងសង្កេតឃើញថាជាបទរ៉េបមួយមានភាពពិរោះលន្លង់លន្លោចទាក់ចិត្តខ្លាំងមែនទែន ដែលបានធ្វើអោយទស្សនិកជនជាច្រើនទន្ទឹងរង់ចាំនៃការចេញផ្សាយ។
កត់សម្គាល់ផងដែរថា ក្នុងដំណើរវិថីការងារសិល្បៈរបស់លោករួមគ្នាជាមួយផលិតកម្ម Galaxy Navatra នាពេលកន្លងមក លោក Sovath Monivann បានធ្វើការចេញផ្សាយស្នាដៃបទចម្រៀងជាផ្លូវការចំនួន៣រួចមកហើយ ដែលទាំងនោះសុទ្ធសឹងជាបទចម្រៀងរ៉េបកំពុងពេញនិយម។
ដោយនៅក្នុងនោះរួមមានបទចម្រៀង Don’t Compare បទ Sixteen Eighteen+ និងចុងក្រោយបំផុត បទ In The Club ដែលបានចេញផ្សាយកាលពីចុងខែឧសភា។ តារាទូតសុឆន្ទៈរបស់ក្រុមហ៊ុនភេសជ្ជៈ Red Bull រូបនេះ ក៏គួរអោយចាប់អារម្មណ៍បានថាជា Super Rich and Popular Net Starនៅលើបណ្តាញសង្គមផងដែរ ដោយសារតែរូបពភាពសង្ហារបស់លោកបានបញ្ចេញឡើងនៅតាមទីកន្លែងប្លែកៗកាលីបៗ Off-Leaque មួយចំនួន។
តើទស្សនិកជនយល់ឃើញយ៉ាងណាដែរចំពោះការចេញផ្សាយបទរ៉េបថ្មីៗរបស់លោក Sovath Monivann ក្នុងអំឡុងពេលនេះ?