បន្ទាប់ពីក្លាយខ្លួនជាសិល្បករថ្មីនៃក្រុមហ៊ុនតន្រ្តី Galaxy Navatra លោកសុវត្ថិមុនីវណ្ណហាក់ដូចជាចាប់ផ្តើមមមាញឹកខ្លាំងជាងមុនទៅលើការងារសិល្បៈរបស់លោក។ ជាក់ស្តែងកាលពីថ្ងៃទី១០ខែមីនាកន្លងទៅនេះលោកសុវត្ថិមុនីវណ្ណទើបតែបានចែករំលែកដំណឹងថ្មីមួយទៀតប៉ុណ្ណោះតាមរយៈទំព័រហ្វេសប៊ុកផ្លូវការរបស់លោកអំពីដំណើរចូលជាសមាជិកទូតសុឆន្ទៈតំណាងអោយក្រុមហ៊ុនភេសជ្ជៈ Red Bull។ លោកសុវត្ថិមុនីវណ្ណបានលើកឡើងនៅក្នុងខេបសិនភ្ជាប់ជាមួយរូបភាពមួយចំនួននៅក្នុងព្រឹត្តិការណ៍នោះថា«សប្បាយចិត្ត រំភើបក្លាយជាគ្រួសារតែមួយរបស់ Red Bull Cambodia We are one»។ គួរបញ្ជាក់ផងដែរកម្មវិធីមួយនេះត្រូវបានធ្វើឡើងកាលពីថ្ងៃទី៨ ខែមីនាកន្លងទៅនេះនៅឯផ្សារទំនើបអ៊ីអនមានជ័យ (Aeon 3)។
ជាមួយគ្នានេះផងដែរទស្សនិកជនក៏អាចចូលទៅទស្សនាផ្ទាល់នូវវីដេអូរបស់លោកចូលរួមនៅក្នុងកម្មវិធីស្វាគមន៍ទូតសុឆន្ទៈរបស់ក្រុមហ៊ុន Red Bull នៅលើទំព័រហ្វេសប៊ុករបស់លោកបានផងដែរជាមួយនឹងការបង្ហាញសកម្មភាពក្រោយឆាក ការសម្តែងបទថ្មីរបស់លោក«Don’t Compare»នៅលើឆាក បទសម្ភាសន៍អំពីចំណាប់អារម្មណ៍នៅលើឆាកនិងការថតរូបជាមួយបណ្តាអ្នកគាំទ្ររបស់លោកផងដែរ។ម្យ៉ាងវិញទៀតអ្នកគាំទ្រវិស័យហ៊ីបហប់ក៏ដូចជាបណ្តាអ្នកគាំទ្ររបស់លោកក៏អាចចូលទៅទទួលបានពត៌មានសំខាន់ៗពីលោកនៅលើឆាណែលតេលេក្រាមផ្លូវការរបស់លោកផងដែរដែលមានឈ្មោះថា Sovath Monivann នៅតាមរយៈ Link នៅលើការបង្ហោះនេាះដែលសព្វថ្ងៃមានចំនួនអ្នក Subscribers រហូតដល់១មឺុននាក់ហើយ។ តើលោកសុវត្ថិមុនីវណ្ណនឹងមានព្រឹត្តិការណ៍អ្វីបន្តទៀតនៅពេលខាងមុខ? Don’t forget to subscribe his channel!
