កាលពីពេលថ្មីៗនេះ លោកសុវត្ថិ មុនីវណ្ណបានចាប់ផ្តើមបញ្ចេញវិដេអូ Highlight បទចម្រៀងថ្មីរបស់លោកខ្លះៗទាំងនៅលើបណ្តាញសង្គមហ្វេសប៊ុក និង ​​​នៅលើ​​​បណ្តាញសង្គម Tik Tok។ រាប់ចាប់តាំងពីថ្ងៃទី២១ ខែមីនាមក លោកសុវត្ថិមុនីវណ្ណបានចេញផ្សាយវិដេអូ Highlight ចំរៀងថ្មីនេះចំនួន២ទៅ៣រួចមកហើយនៅលើបណ្តាញសង្គមទាំងនេះ។ នៅលើវិដេអូ Highlight ចំរៀងមួយរបស់លោកផងដែរ លោកបានសរសេរឡើងនូវខេបសិនភ្ជាប់នឹងប៉ារ៉ូលចំរៀងថា«ជីវិតមានមួយ បើបូកអូនមួយថែមទាំងមានកូនមួយ» ដោយអមជាមួយនឹងចំណងជើងបទចម្រៀងថា«Sixteen Eighteen»។ យ៉ាងណាមិញផងដែរ យើងនៅមិនទាន់ដឹងនៅឡើយទេថាបទចម្រៀង Full របស់លោកនឹងត្រូវបញ្ចេញឡើងនៅពេលណាខណៈដែលលោកទើបនឹងចេញផ្សាយបទចម្រៀង​​​«Don’t Compare» កាលពីដើមខែមីនាកន្លងទៅនេះទេ។​​​ កត់សម្គាល់ឃើញថា នៅលើសកម្មភាពការងារសិល្បៈប្រចាំថ្ងៃរបស់លោក លោកសុវត្ថិមុនីវណ្ណមានសកម្មភាពជាច្រើនចូលរួមការប្រគំតន្រ្តីនៅតាមបណ្តាខេត្តនានា និងចូលរួមកម្មវិធីរបស់ក្រុមហ៊ុនភេសជ្ជៈ Red Bull ក្នុងនាមជាតំណាងទូតសុឆន្ទៈរបស់ពួកគេ។ រាល់ព័ត៌មានចែករំលែកទាំងនេះត្រូវបានបង្ហោះឡើងនៅលើទំព័រហ្វេសប៊ុកផ្លូវការរបស់លោក និងឆាណែលតេឡេក្រាម Public ផ្លូវការរបស់លោកផងដែរ។ តើទស្សនិកជនទន្ទឹងរង់ចាំបទថ្មីរបស់លោកកម្រិតណា តោះខមមែនប្រាប់អេដមីនម្នាក់មួយផងណា!