តើទស្សនិកជនដឹងទេ ម្ចាស់បទចម្រៀង«Maybe» ដ៏រ៉ូមែនទិច និងផ្អែមល្ហែម កញ្ញា Sophia Kao គ្រោងនឹងចេញបទចម្រៀងបែបស្វីតៗថ្មីមួយទៀតក្នុងពេលឆាប់ៗនេះហើយ។ កាលពីថ្ងៃពុធទី២៨ ខែមិថុនាកន្លងទៅនេះ កញ្ញា Sophia Kao បានសំរេចចិត្តទំលាយរូបភាពស្វីតៗបែបគូស្នេហ៍ពីក្នុងបទចម្រៀងថ្មីរបស់នាង ដែលបានធ្វើអោយទស្សនិកជនមានភាពស្រឡាំងកាំងយ៉ាងខ្លាំង ដោយនៅលើខេបសិន រួមជាមួយនឹងរូបភាពតួប្រុស ត្រូវបានប្តូរស្រលះទៅជាលោក Juvie ជំនួសអោយលោក Norith កាលពីបទ«Maybe»។ 

គួរបញ្ជាក់ផងដែរថា លោក Norith និងលោក Juvie គឺជាដៃគូនឹងគ្នានៅក្នុងក្រុម Polarix ផងដែរ។ ភាពក្រឡាស់នៅក្នុងបទចម្រៀងថ្មីនេះ បានធ្វើអោយទស្សនិកជនមួយចំនួនលាន់មាត់ថា«ពិភពលោកក្រឡាប់ចាក់» ចំណែកពូរៀនថតក៏បានចូលមកខមមែនខាងក្រោមនោះថា«អូយឈឺក្បាល»។

ប៉ុន្តែទោះបីជាយ៉ាងណា ក៏បណ្តាអ្នកគាំទ្រមួយចំនួនធំយល់ឃើញថានេះត្រឹមជាការសម្តែង និងចាប់ដៃគូនៅក្នុងបទចម្រៀងតែប៉ុណ្ណោះ ថ្វីបើមួយរយៈនេះទស្សនិកជនជាច្រើនកំពុងចាប់អារម្មណ៍លើ Public Day និងPink Day។

បើសង្កេតលើបទចម្រៀងថ្មីរបស់កញ្ញា Sophia Kao វិញ ត្រូវបានបង្ហើបឡើងជាមួយនឹង Clip Video បទចម្រៀងខ្លីកាលពីថ្ងៃព្រហស្បតិ៍ទី២៩ ខែមិថុនាកន្លងទៅនេះ ជាមួយនឹងចំណងជើងថា«You are my sunshine» ដែលនឹងត្រូវចេញផ្សាយនៅថ្ងៃទី៧ ខែកក្កដា ខាងមុខនេះហើយ។

យ៉ាងណាមិញខ្លឹមសារមួយចំនួនត្រូវបានបង្ហើបឡើងតាមរយៈខេបសិនអោយដឹងដូចជា «I promise I will treat you right as long as I’m with you…»។ តើទស្សនិកជនយល់ឃើញយ៉ាងណាដែរចំពោះបទថ្មីរបស់ពួកគេ?