តើព្រឹត្តិការណ៍ការប្រគំតន្រ្តី Head In The Clouds នៅក្នុងប្រទេសឥណ្ឌូនេស៊ីថ្មីៗនេះមានការចូលរួមស​​​ម្តែងឡើងដោយ Team Baramey កញ្ញា Sophia Kao និងលោកវណ្ណដាដែររឺទេ? ឃើញថាថ្មីៗនេះមានការចែករំលែករូបថាគួរអោយភ្ញាក់ផ្អើលមួយពីសំណាក់កញ្ញា Sophia Kao ជារូបថតរួមគ្នារបស់នាងជាមួយសមាជិកក្រុម GOT7 លោក Jackson Wang នៅក្នុងការប្រគំតន្រ្តី Head in the clouds នៅក្នុងប្រទេសឥណ្ឌូនេស៊ី។ គួរបញ្ជាក់ផងដែរព្រឹត្តិការណ៍នៃការប្រគំតន្រ្តីនេះនឹងធ្វើឡើងដោយមានពីរវគ្គមួយនៅក្នុងថ្ងៃទី៣​​​និងទី៤ និងមួយវគ្គទៀតនៅថ្ងៃទី៩ និងទី១០​​​ខែធ្នូនេះ។ រូបថតនៃការចែករំលែករបស់កញ្ញាគឺស្ថិតនៅចំថ្ងៃទី០៨ ដែលបង្ហាញអោយឃើញថាក្រុមបារមីផ្ទាល់ក៏មានគំរោងចួលរួមការប្រគំតន្រ្តីនេះរហូតមកដល់វគ្គទី២ផងដែរ។ 

យ៉ាងណាមិញនៅមុនថ្ងៃចែករំលែកសកកម្មភាពថ្ងៃទី២នៃការចូលរូួមរបស់នាង Sophia Kao ក៏បានចែករំលែកសកម្មភាពចួលរួមការប្រគំតន្រ្តីនៅក្នុងថ្ងៃទី១ផងដែរអមជាមួយនឹងសារថាអរគុណទៅកាន់ 88rising ដែលបានអញ្ជើញពួកយើងមកទីនេះ។ គួរបញ្ជាក់ផងដែរក្រុមហ៊ុន 88rising គឺជាក្រុមហ៊ុនតន្រ្តីរបស់សហរដ្ឋអាមេរិកដែលមានរួមបញ្ចូលការរកទីផ្សារផងដែរ។ អ្នកគាំទ្ររបស់លោកវណ្ណដាក៏បាននាំគ្នាព្យាយាមស្វែងរកប្រភពនៃកម្មវិធីចង់ដឹងថាតើក្រុមបារមីនឹងមានវត្តមានសម្តែងនៅទីនោះដែររឺទេថ្វីបើមានការអញ្ជើញចូលរួមពីកញ្ញា Sophia Kao ក៏ពិតមែនតែតារាងសម្តែងរបស់សិល្បករនៅទីនោះមិនមានក្រុមបារមីទេ ហើយខណៈដែលសិល្បករល្បីៗគួរអោយកត់សម្គាល់មួយចំនួនមានដូចជា តារារ៉េបស្រីថៃ Milli, លោក Jackson Wang, កញ្ញា Chung Ha, ក្រុមចម្រៀង (G)I-DLE, ក្រៅពីនេះមានសិល្បករនៃក្រុម 88rising ដូចជា Niki, Rich Brian, Joji,VEEGEEជាដើម។​​​