កាលពីថ្ងៃអាទិត្យលោកវណ្ណដាបានបញ្ចេញបទចំរៀងនៅក្នុង Album Skull 2របស់លោកនៅលើបណ្តាញចាក់ចម្រៀងទាំងអស់រួចមកហើយដែលទទួលបានការគាំទ្រជាច្រើននាពេលបច្ចុប្បន្ននេះ។ ជាក់ស្តែងកាលពីថ្មីៗនេះ កញ្ញា កែវសុភា ដែលជាមិត្តរួមក្រុមការងាររបស់លោកវណ្ណដានិងធ្លាប់បានច្រៀងរួមគ្នារួចមកហើយជាមួយបទ Time កាលពីឆ្នាំ២០២១ បានធ្វើការបង្ហេាះសារក្នុង Story របស់គណនីរូបនាងផ្ទាល់អំពីចំណាប់អារម្មណ៍លើបទចំរៀងមួយបទរបស់លោកវណ្ណដាគឺបទ Day Dreamer។ គាមរយៈសារក្នុងបណ្តាញសង្គម IG របស់កញ្ញាបានអោយដឹងថា Day Dreamer គឺជាបទដែលធ្វើអោយកញ្ញាមានអារម្មណ៍ផ្សារភ្ជាប់ជាមួយវណ្ណដាខ្លាំងបំផុត ហើយក៏ជាលើកដំបូងដែលកញ្ញាបានឃើញវណ្ណដា លាតត្រដាងអារម្មណ៍ពិតៗរបស់លោកខ្លាំងបែបនេះ។
កញ្ញាពិតជាមានមោទភាពចំពេាះលោក និងមានសំណាងណាស់ដែលអាចហៅលោកជាមិត្ត។កញ្ញាបានអរគុណសំរាប់ការធ្វើជាមនុស្សល្អនិងភាពជាគំរូរបស់លោកនិងសំរាប់គ្រប់យ៉ាងដែលលោកធ្វើសំរាប់នាង។ សំរាប់ពិភពលោកទាំងមូលលោកគឺជាវណ្ណដាតារាកំពូលម្នាក់ តែសំរាប់នាងវិញគេនៅតែជាមិត្តសំឡាញ់ដ៏ល្អរបស់នាង។ កញ្ញាក៏បានបន្ថែមទៀតថា ថ្វីត្បិតតែបទចម្រៀងនេះត្រូវបានបញ្ចេញនូវ Version ថ្មី ប៉ុន្តែរូបនាងផ្ទាល់ពិតជាពេញចិត្ត Raw Demo Version របស់វណ្ណដាជាខ្លាំងនៅពេលដែលបានស្តាប់ជាមួយក្រុមការងារជាលើកដំបូងដែលបានធ្វើអោយនាងរំជួលចិត្តដល់ថ្នាក់យំផងដែរ។ គួរអោយកត់សំគាល់បានថា Skull The Album របស់លោកវណ្ណធ្លាប់បានភ្ជាប់ជាមួយនឹង Voice Demo Version មួយដែលរួចមកហើយនៅពេលដែលអាលប៊ុមនេះចេញជាផ្លូវការ។ Admin ក៏ដូចជាអ្នកគាំទ្រជាច្រើននាក់ទៀតសង្ឃឹមថាលោកវណ្ណដានឹងបញ្ចេញនូវបទ Day Dreamer Raw Demo Version សម្រាប់អោយគ្រប់គ្នាបានស្តាប់នាពេលខាងមុខនេះ។
អត្ថបទដោយ Mao Monipichvatey