1. Slovakiaធ្លាក់ចូលទៅក្នុងកណ្តាប់ដៃរបស់ពូទីន

យោងតាមសារព័ត៌មាន The New York Times ចុះផ្សាយថ្ងៃទី០៦ ខែកញ្ញាបានអោយដឹងថា នៅពេលដែលអ៊ុយក្រែនបានរកឃើញផ្នូរជនស៊ីវិលនៅក្នុងតំបន់ដែលដណ្តើមបានមកវិញពីទាហានរុស្ស៊ី ឯកអគ្គរដ្ឋទូតរុស្ស៊ីនៅក្នុងប្រទេសស្លូវ៉ាគីដែលជាប្រទេសជិតខាងនោះបានប្រឆាំងជាមួយនឹងការបានទទួលដំណឹងនេះរបស់លោក។ ចៅហ្វាយក្រុងនៃភូមិដាច់ស្រយាលស្លូវ៉ាគី តាមអ្វីដែលឯកអគ្គរដ្ឋទូតបានប្រកាសកាលពីខែកញ្ញាឆ្នាំមុន គឺថាបានឈូសឆាយផ្នូររុស្ស៊ីពីសង្គ្រាមលោកលើកទី 1។ ឯកអគ្គរដ្ឋទូតលោក Igor Bratchikov បានទាមទារឱ្យរដ្ឋាភិបាលស្លូវ៉ាគី ដែលជាអ្នកគាំទ្រដ៏រឹងមាំរបស់អ៊ុយក្រែន ចាត់វិធានការដើម្បីដាក់ទណ្ឌកម្ម "ទង្វើជាការប្រមាថ"នេះ ។ ប៉ូលីសស្លូវ៉ាគីបានឆ្លើយតបយ៉ាងរហ័សដោយច្រានចោលការអះអាងរបស់ឯកអគ្គរដ្ឋទូតថាជា"ព័ត៌មានបោកប្រាស់" ប៉ុន្តែការប្រឌិតរបស់លោកបានផ្ទុះឡើង ពង្រីកកាន់តែធំឡើងដោយក្រុមអ្នកគាំទ្ររុស្ស៊ីនៅក្នុងស្លូវ៉ាគី។ មួយខែក្រោយមក ចៅហ្វាយក្រុងនៃភូមិ Vladislav Cuper បានចាញ់ការបោះឆ្នោតមួយទៅអោយបេក្ខជនគូប្រជែងរ​​​បស់លោកមកពីគណបក្សប្រជានិយមដែលប្រឆាំងនឹងការជួយអ៊ុយក្រែន។ យោងតាមការស្ទង់មតិមតិ គណបក្សនាំមុខគេគឺជាគណបក្សដែលដឹកនាំដោយលោក Robert Fico អតីតនាយករដ្ឋមន្ត្រីដែលបានប្តេជ្ញាបញ្ឈប់ការផ្តល់អាវុធដល់ប្រទេសអ៊ុយក្រែន ដោយបានថ្កោលទោសការដាក់ទណ្ឌកម្មប្រឆាំងនឹងរុស្ស៊ី និងបានរិះគន់ប្រឆាំងនឹងអង្គការណាតូ ទោះបីជាប្រទេសរបស់លោកជាសមាជិកនៃសម្ព័ន្ធភាពក៏ដោយ។ វាក៏នឹងបញ្ចប់ភាពឯកោរបស់នាយករដ្ឋមន្ត្រីហុងគ្រី លោកViktor Orban ក្នុងនាមជាមេដឹកនាំតែមួយគត់នៅក្នុងសហភាពអឺរ៉ុប ហើយរបស់អង្គការណាតូដែលបានប្រឆាំងនឹងការជួយអ៊ុយក្រែនផងដែរ។

2. អាឡឺម៉ង់ដែលធ្លាប់រងអតីតកាលណាស៊ីកំពុងក្លាយជាបន្ទាយស្តាំនិយម

យោងតាមសារព័ត៌មាន The Wall Street Journal ចុះផ្សាយថ្ងៃទី០៦ ខែកញ្ញាបានអោយដឹងថា ចលនា​ស្តាំ​ជ្រុល​បានកំពុង​លេច​ឡើង​នៅ​ក្នុង​ប្រទេស​អាល្លឺម៉ង់ ជា​ពិសេស​មានឥទ្ធិពលកាន់តែខ្លាំង​នៅក្នុងភាគខាងកើតនៃ​អតីត​កុម្មុយនិស្ត​របស់ប្រទេសនេះ។ ពួកគេបានកាន់បដាអំពាវនាវឱ្យអាល្លឺម៉ង់ចាកចេញពីសហភាពអឺរ៉ុប និងបានទាមទារឱ្យបិទព្រំដែនក្បែរនោះជាមួយប៉ូឡូញ។ ពួកគេខឹងសម្បារចំពោះការតាំងទីលំនៅរបស់ជនចំណាកស្រុកនៅក្នុងសហគមន៍របស់ពួកគេ ហើយប្រាក់សោធននិវត្តន៍របស់ពួកគេត្រូវបានកាត់បន្ថយដោយសារតែអតិផរណា។ ពួកគេ​ប្រឆាំង​នឹង​ការ​បំពាក់​អាវុធ​ដល់អ៊ុយក្រែន ហើយ​និយាយ​ថា ប្រធានាធិបតី​រុស្ស៊ី​លោក វ្ល៉ាឌីមៀ ពូទីន កំពុងរងនូវភាពអយុត្តិធម៌។ គណបក្សនៅពីក្រោយការតវ៉ាជាប្រចាំ គឺគណបក្សជំនួសសម្រាប់អាល្លឺម៉ង់ ឬហៅថាAfD ដោយរកឃើញថាទទួលបានការគាំទ្រកើនឡើង21ភាគរយដែលនាំមុខគណបក្សប្រជាធិបតេយ្យសង្គមកណ្តាលឆ្វេងដែលកំពុងកាន់អំណាច និងត្រឹមតែ4ភាគរយនៅពីក្រោយគណបក្សប្រជាធិបតេយ្យគ្រីស្ទានកណ្តាលស្តាំ។ ការកើនឡើងនេះបង្ហាញថាអតីតកាលរបស់ណាស៊ីរបស់អាល្លឺម៉ង់លែងរារាំងអ្នកបោះឆ្នោតពីការទទួលយកលទ្ធិប្រជាធិបតេយ្យស្តាំនិយមហើយ។ វាក៏គួរឱ្យកត់សម្គាល់ផងដែរថា ខណៈដែលក្រុមនិកាយប្រឆាំងនឹងជនអន្តោប្រវេសន៍ផ្សេងទៀតនៅក្នុងទ្វីបអឺរ៉ុបកាន់តែកើនឡើង រ៉ាឌីកាល់នៃក្រុម AFD បានបង្កការព្រួយបារម្ភកាន់តែខ្លាំងក្នុងចំណោមមន្ត្រីសន្តិសុខ ដែលមើលឃើញថាអាចនឹងប៉ះពាល់ផ្នែកខ្លះដល់ប្រព័ន្ធប្រជាធិបតេយ្យ។ 

3. អាមេរិកដាក់ពង្រាយទាហាននៅArmenia

យោងតាមសារព័ត៌មាន Reuters ចុះផ្សាយថ្ងៃទី០៧ ខែកញ្ញាបានអោយដឹងថា ទីក្រុង Yerevan បានប្រកាសថា យោធាអាមេរិក និងអាមេនី នឹងធ្វើសមយុទ្ធរួមគ្នានៅចុងខែនេះ ដោយសង្កត់ធ្ងន់ជាពិសេសលើប្រតិបត្តិការរក្សាសន្តិភាព។ អាមេនីគឺជាសមាជិកនៃអង្គការសន្ធិសញ្ញាសន្តិសុខសមូហភាព (CSTO) ដែលរួមមានរុស្ស៊ី បេឡារុស្ស កាហ្សាក់ស្ថាន កៀហ្ស៊ីស៊ីស្ថាន និងតាជីគីស្ថាន។ ទីក្រុង Yerevan បានរិះគន់កាន់តែខ្លាំងឡើងចំពោះតួនាទីរបស់ CTSO នៅក្នុងតំបន់ South Caucasus ដោយអះអាងថាប្លុកនេះមិនបានការពារពួកគេពីការឈ្លានពានរបស់ប្រទេស Azerbaijan ដែលត្រូវបានចោទប្រកាន់នោះទេ។ក្រសួងការពារជាតិអាមេនីបានប្រកាសសមយុទ្ធជាមួយសហរដ្ឋអាមេរិកនៅក្នុងសេចក្តីថ្លែងការណ៍មួយកាលពីថ្ងៃពុធដោយប្រកាសថាពួកគេនឹងធ្វើឡើង "នៅក្នុងក្របខ័ណ្ឌនៃការរៀបចំសម្រាប់ការចូលរួមក្នុងបេសកកម្មរក្សាសន្តិភាពអន្តរជាតិ" ។ សេចក្តីថ្លែងការណ៍បានបន្ថែមថា សមយុទ្ធនេះនឹងប្រព្រឹត្តទៅចាប់ពីថ្ងៃទី 11 ដល់ថ្ងៃទី 20 ខែកញ្ញានៅប្រទេសអាមេនី។ មន្ត្រីយោធាអាមេនីបានអះអាងថាសមយុទ្ធនេះនឹងបម្រើជាជំហានមួយទៀតក្នុងក្របខ័ណ្ឌនៃកម្មវិធីភាពជាដៃគូដើម្បីសន្តិភាព (PfP) របស់អង្គការណាតូ។