ក្រុមហ៊ុនអាកាសចរណ៍ China Southern បានអះអាងថា ខ្លួននឹងចាប់ផ្តើមឡើងវិញជាបណ្តើរៗនូវជើងហោះហើរពី Shenzhen មកប្រទេសកម្ពុជានៅឆ្នាំនេះ។ នេះបើតាមការផ្សាយរបស់សារព័ត៌មាន China Daily។ ហើយក៏នឹងបន្ថែមជើងហោះហើរឡើងវិញទៅកាន់ទីក្រុងអាស៊ានផ្សេងទៀតដូចជាហ្វីលីពីន វៀតណាម ថៃ ជាដើម។ បើតាម China Daily ការចាប់ផ្តើម យន្តហោះរបស់ក្រុមហ៊ុនអាកាសចរណ៍ China Southern Airlines បានហោះចេញពីអាកាសយានដ្ឋានអន្តរជាតិ Shenzhen ឆ្ពោះទៅទីក្រុង Amsterdam ប្រទេសហូឡង់ កាលពីថ្ងៃចន្ទកន្លងទៅខណៈដែលក្រុមហ៊ុនអាកាសចរណ៍មួយនេះបានបើកជើងហោះហើរឡើងវិញបន្ទាប់ពីបានផ្អាកអស់រយៈពេលជាយូរមកហើយដោយសារការរាតត្បាតនៃជំងឺកូវីដ១៩។

គិតត្រឹមដំណាច់ខែធ្នូ ក្រុមហ៊ុនអាកាសចរណ៍នេះបានបើកជើងហោះហើរអន្តរជាតិឡើងវិញចំនួន៤ផ្សេងទៀតពីទីក្រុង Shenzhen ទៅកាន់ទីក្រុងហ្សាកាតា ទីក្រុងមូស្គូ ឌូបៃ និងសិង្ហបុរី​ និងហូឡង់។ ក្រុមហ៊ុនក៏មានគម្រោងបង្កើនចំនួនជើងហោះហើរទៅកាន់ប្រទេស ឥណ្ឌូនេស៊ី និងបន្តពង្រឹងការតភ្ជាប់ជាមួយទីក្រុងអន្តរជាតិដែលមានទំនាក់ទំនងយ៉ាងជិតស្និទ្ធជាមួយតំបន់ឧស្សាហកម្ម Shenzhen និងអភិវឌ្ឍបណ្តាញផ្លូវអាកាសដោយអោយរលូនដើម្បីគាំទ្រដល់ការបើកដំណើរការឡើងវិញនូវតំបន់ Shenzhen ។ នៅពេលចាប់ផ្តើមជើងហោះហើរមកកាន់ប្រទេសកម្ពុជាឡើងវិញត្រូវបានគេរំពឹងថា នឹងជួយជំរុញសកម្មភាពទេសចរណ៍ និងធុរកិច្ចចិននៅកម្ពុជាដែលត្រូវការជាចាំបាច់សម្រាប់បង្កើនកំណើនសេដ្ឋកិច្ច។

លោក វ៉ាង វិ​ន​ធៀន (H.E. Mr. Wang Wentian) ឯកអគ្គរដ្ឋទូត​នៃ​សាធារ ណរដ្ឋ​ប្រជាមានិត​ចិន​ប្រចាំ​ព្រះរាជាណាចក្រ​កម្ពុជាបានអះអាងកាលពីថ្មីៗនេះថា តាម​រយៈ​គោលនយោបាយ ដែលអនុញ្ញាត​ឲ្យ​ប្រជាពលរដ្ឋធ្វើ​ដំណើរ​ទេសចរណ៍​នៅ​កាន់​បបណ្តាប្រទេសនានាឡើងវិញ ប្រទេសកម្ពុជា​នឹង​ក្លាយជា​គោលដៅ​របស់អ្នកទេស​ទេសចរណ៍​សម្រាប់​ប្រជាជន​ចិន​នៅ​ពេល​ខាង​មុខ​នេះ​។ បើតាមលោក វ៉ាង វិនធៀន រដ្ឋាភិបាលចិនបានចាប់ផ្តើមបើកប្រទេសឡើងវិញហើយ ដូច្នេះកម្ពុជាជាគោលដៅនៃការធ្វើដំណើរចេញក្រៅប្រទេសរបស់ចិនទាំងផ្នែកធុរកិច្ច និងទេសចរណ៍៕