Selena Gomez និង Hailey Bieber បានឈរថតរូបជាមួយគ្នាជាសាធារណៈជាលើកដំបូងបន្ទាប់ពីអស់រយៈពេលបួនឆ្នាំមកហើយដែលតារាម៉ូឌែល Hailey Bieber បានរៀបការជាមួយអតីតមិត្តប្រុសរបស់តារាចម្រៀង Selena Gomez។ ខណៈពេលដែលបន្ទាប់ពីរៀបការបានរយៈពេលពីសប្តាហ៍ Hailey Bieber បានផ្តល់បទសម្ភាសន៍ថានាងជួបនឹងបញ្ហារឹះគន់ជាច្រើនទាក់ទងនឹងទំនាក់ទំនងស្នេហារបស់នាងជាមួយនឹងតារាចម្រៀងJustin Bieber ដោយមានមនុស្សជាច្រើនគិតថានាងដណ្តើមមិត្តប្រុសរបស់អ្នកដទៃ ដែលនាងបានព្យាយាមអះអាងថាមិនមានពេលណាមួយដែលនាងកំពុងស្ថិតនៅក្នុងទំនាក់ទំនងស្នេហាជាមួយនឹង Justin Bieber ហើយលោកកំពុងមានអ្នកផ្សេងនោះទេ។
អ្នកទាំងពីរបានចូលរួមថតរូបជាមួយគ្នាមួយចំនួនដែលរូបថតខ្លះមានអង្គុយក្បែរគ្នា និងញញឹម ដោយត្រូវបានថតឡើងដោយជាងថតរូបម្នាក់ឈ្មោះ Tyrell Hampton នៅកាលពីថ្ងៃទី១៥ ខែតុលា នៅក្នុងកម្មវិធី star-studded 2022 Academy Museum Gala នៅឯទីក្រុង Los Angeles ដោយពួកគេទាំងពីរបានធ្វើដំណើរមកទីនេះរៀងខ្លួននោះទេ។ នៅថ្ងៃទី១៦ ខែតុលា Tyrell Hampton បានបង្ហោះរូបថតមួយសន្លឹករបស់ពួកគេទៅក្នុងគណនី Instagram របស់លោក បន្ទាប់មក Hailey Bieber ដែលបានចែករំលែកខេបសិនអំពីកម្មវិធីមួយនេះថា Beautiful Night នៅលើផេករបស់នាងផ្ទាល់ បានធ្វើការចុចឡាចនៅលើរូបបង្ហោះរបស់លោក Tyrell ផងដែរ ជាមួយនឹងអ្នកចុចឡាចផ្សេងទៀតដែលមានរហូតទៅដល់កន្លះលាននាក់។