កាលពីថ្ងៃទី២៨​​​ ខែកុម្ភៈកន្លងទៅនេះ Rean Thort បានទំលាក់វិដេអូថ្មីមួយអំពី Topic «លើសជាតិស្ករ» ដែលមានការចូលរួមពីភ្ញៀវកិត្តិយសសៀក និងមីណាផងដែរ។តាមរយៈវិដេអូខ្លីរយៈពេល៩នាទីជាងនេះ អ្នកទាំងបីបានធ្វើការជជែកសាកសួរគ្នាដោយភាពសប្បាយរីករាយ និងបានបង្ហើបអោយដឹងថានឹងមានការរៀបចំកម្មវិធីបទសម្ភាសន៍ផ្តាច់មុខមួយ រឺហៅថា Exclusive Talk រវាងពួកគេទាំងបីផ្ទាល់នៅក្នុងពេលឆាប់ៗខាងមុខនេះ តួយ៉ាងគឺប្តូរបរិយាកាសទាំងស្រុងពី Studio របស់រៀន Podcast មកជាការជួបជុំគ្នានៅខាងក្រៅវិញដែលអ្នកគាំទ្ររបស់មីណា ក៏ដូចជាអ្នកគាំទ្ររបស់សៀក និងប្រិយមិត្តរៀនថតអាចចូលរួមទស្សនាបទសម្ភាសន៍របស់ពួកគេនេះផ្ទាល់។ 

គួរបញ្ជាក់ផងដែរបទសម្ភាសន៍ផ្ទាល់មួយនេះនឹងធ្វើឡើងនៅថ្ងៃទី០៨​​​ ខែមីនា នៅឯផ្សារទំនើបអ៊ីអនម៉លសែនសុខ ចាប់ពីម៉ោង១រសៀលតទៅ និងមានការសម្តែងច្រៀងផ្ទាល់ចំនួន៣បទពីមីណាផងដែរ។ ពូជ្រួញ ម្ចាស់ Host នៃកម្មវិធីបានរៀបរាប់អោយដឹងថាកម្មវិធីនេះពិតជាកាន់តែពិសេស ព្រោះជាកិច្ចសម្ភាសន៍ដោយធម្មជាតិបំផុត ទស្សនិកជននឹងបានដឹងពីទំនាក់ទំនងពិតប្រាកដរវាងមីណា និងសៀកនៅពីក្រោយកញ្ចក់កាំមេរ៉ា។ ចង់ដឹងថាមីណា និងសៀកស្គាល់គ្នារបៀបណា ទស្សនិកជនក៏អាចចូលទៅទស្សនានៅលើរៀនPodcastបាន ហើយតើទស្សនិកជនចង់អោយអ្នកណាជាគូបន្ទាប់នៅក្នុងរៀន Podcast របស់ពូជ្រួញ? Let me know in your comment below!