នៅថ្ងៃដ៏តានតឹងមួយនៅចុងខែឧសភា ឆ្នាំ2024, នៅជិតតំបន់ Volchansk, មានយន្តហោះចម្បាំង mig29 អ៊ុយក្រែនចំនួនពីរបានបើកការវាយប្រហារតាមអាកាសលើទីតាំងរុស្ស៊ី។ តែពួកគេមិនបានដឹងទេថា ប្រព័ន្ធប្រឆាំងយន្តហោះរុស្ស៊ី S300 នៅតំបន់ Belgorod បានត្រៀមខ្លួនជាស្រេចដើម្បីធ្វើការឆ្លើយតបនឹងពួកគេ។ ប្រព័ន្ធនេះបានបាញ់មីស៊ីលចំនួនបីគ្រាប់ ដែលក្នុងនោះមានមួយគ្រាប់បានបាញ់ទំលាក់យន្តហោះ mig29 ខណៈពេលដែលពីរគ្រាប់ផ្សេងទៀតត្រូវបានខកខានឳកាស ដែលអនុញ្ញាតឱ្យយន្តហោះ mig29 ទីពីរទៀតអាចជ្រៀតជ្រែកចូលបាន។ ហេតុការណ៍នេះបានធ្វើឲ្យយើងឆ្ងល់ថា តើមានរឿងអ្វីកើតឡើងប្រាកដ និងប្រព័ន្ធ s300នេះអាចបាញ់ទំលាក់យន្តហោះ mig29 នេះដោយរបៀបណា? Volchansk ដែលជាកន្លែងដែលយន្តហោះ Mig 29s បានហោះហើរលើមានទីតាំងនៅព្រំដែនរវាងរុស្ស៊ី និងអ៊ុយក្រែនប្រហែល ៦០ គីឡូម៉ែត្រពីតំបន់ belgorod ដែលជាកន្លែងដែល ប្រព័ន្ធs300 បានស្ថិតនៅឈរជើង។
នេះបើយោងតាមប្រភពរាយការណ៍បានអោយដឹងថា យន្តហោះ mig29 ដែលបានធ្លាក់នោះ គឺបានបុកទៅជាមួយនឹងភាគខាងត្បូងនៃទីក្រុង ហើយបានឆាបឆេះឡើងបណ្តាលមកពីការប៉ះពាល់នេះ។ បច្ចុប្បន្នមិនមានការអាប់ដេតថ្មីពីស្ថានភាពរបស់នាវិកបញ្ជាយន្តហោះនេះនោះទេ និងមិនមានរបាយការណ៍បញ្ជាក់ពីការប្រើប្រាស់ឆ័ត្រយោងនៅលើនោះផងដែរ។ មានការនិយាយជាច្រើនអំពីយន្តហោះចម្បាំង mig29 ដែលពាក់ព័ន្ធនឹងហេតុការណ៍នេះ ដោយមានអ្នកខ្លះលើកឡើងថាយន្តហោះដែលធ្លាក់នេះប្រហែលជាមកពីកងទ័ពអាកាសស្លូវ៉ាគីហើយព្រោះប្រទេសស្លូវ៉ាគីបានឧបត្ថម្ភយន្តហោះចម្បាំងទាំងនេះចំនួន១៣គ្រឿងដល់អ៊ុយក្រែនកាលពីខែមីនា ឆ្នាំ២០២៣។ ដូច្នេះហេតុអ្វីបានជាវានៅតែអាចត្រូវបាញ់ទំលាក់ប្រសិនបើអ្នកបើកយន្តហោះអ៊ុយក្រែនត្រូវបានគេនិយាយថាមានជំនាញបែបនេះនោះ? ហេតុផលភាគច្រើនប្រហែលជាស្ថិតនៅលើសមត្ថភាពប្រព័ន្ធការពារដែនអាកាសរុស្ស៊ីនោះទេ ប្រព័ន្ធs300ត្រូវបានបង្កើតឡើងដោយសហភាពសូវៀត និងក្រោយមកដោយរុស្ស៊ី វាគឺជាប្រព័ន្ធមីស៊ីលរយៈចម្ងាយឆ្ងាយដ៏មានឥទ្ធិពលដែលត្រូវបានរចនាឡើងដើម្បីស្វែងរក តាមដាន និងស្ទាក់ចាប់វត្ថុគំរាមកំហែងផ្សេងៗរួមមានយន្តហោះ គ្រូសមីស៊ីល មីស៊ីលឆ្លងទ្វីប។
ដំណើរការស្វែងរកគឺចាប់ផ្តើមពីប្រព័ន្ធរ៉ាដា s300 ដែលរួមមានរ៉ាដាឃ្លាំមើល Big Bird 64 n6e និងរ៉ាដាចូលរួម 30 n6e flap lid។ វាអាចរកឃើញគោលដៅរហូតដល់រយៈចម្ងាយ300គីឡូម៉ែត្រនិងអាចតាមដានបានច្រើនគោលដៅក្នុងពេលដំណាលគ្នា។ នៅពេលដែលគោលដៅត្រូវបានរកឃើញ រ៉ាដា Flap Lid បានចូលខ្លួនមកផ្តល់ការតាមដាន និងកំណត់គោលដៅអោយកាន់តែច្បាស់លាស់។ រ៉ាដា Flap Lid គឺមានសារសំខាន់ដែលធានាថាមីស៊ីលអាចភ្ជាប់ទៅនឹងគោលដៅ។ វាបានកំណត់ទៅនឹងគោលដៅ និងតាមដានទីតាំង ល្បឿន និងគន្លងរបស់គោលដៅ។ បន្ទាប់ពីភ្ជាប់ទៅនឹងគោលដៅនោះហើយ ក្រុមអ្នកបញ្ជានិងគ្រប់គ្រងប្រព័ន្ធ s300 បានធ្វើការវិភាគទិន្នន័យដើម្បីជ្រើសរើសមីស៊ីលដែលសក្តិសមសម្រាប់ប្រតិបត្តិការស្ទាក់ចាប់នេះ។ នៅពេលដែលមីស៊ីលត្រូវបានបាញ់ វាទទួលបានការកែតម្រូវនៅពាក់កណ្តាលជើងហោះហើរពីរ៉ាដា flap lid ដើម្បីធានាថាវានៅតែអាចរក្សានៅលើគន្លងដដែល។ នៅពេលដែលមីស៊ីលចូលដល់ដំណាក់កាលចុងក្រោយ គោលបំណងរបស់មីស៊ីលគឺដើម្បីបំផ្ទុះក្បាលគ្រាប់របស់វានៅជិតគោលដៅដែលបង្កើនឱកាសជោគជ័យនៃការស្ទាក់ចាប់។ ប្រព័ន្ធរ៉ាដា s300 កម្រិតខ្ពស់ ជាមួយនឹងយន្តការបញ្ជា និងគ្រប់គ្រង និងបច្ចេកវិទ្យាដឹកនាំមីស៊ីល អនុញ្ញាតឱ្យវាអាចស្វែងរកឃើញ និងស្ទាក់ចាប់គោលដៅបាននៅក្នុងរយៈចម្ងាយប្រហែលជិត ៦០ គ.ម.។