កាលពីថ្ងៃទី២៨ ខែកុម្ភៈកន្លងទៅនេះ ម្ចាស់បទដ៏ល្បី«សុរា» តារារ៉េប RuthKo នៃក្រុមKlapYaHandzបានធ្វើការទំលាក់បទចម្រៀងរបស់ខ្លួនសាជាថ្មីក្រោមចំណងជើងថា«Stay The Same» នៅលើឆាណែលយូធូបផ្លូវការរបស់លោកផ្ទាល់។ គួរបញ្ជាក់ផងដែរសមាជិកនៃក្រុម KlapYaHandz ដទៃទៀតមានដូចជាលោក Vuthea, Vin Vitou, ពូឃ្លាំង, VI70, Khmer1Jivet, Siva, Dj Chee និងកញ្ញាSinSetsochhata ជាដើម។ ចំណែកបទចម្រៀងពេញនិយមជាច្រើនបទទៀតរបស់លោក RuthKo ដែលបានចេញផ្សាយទាំងនៅលើឆាណែលយូធូបផ្លូវការរបស់ក្រុមហ៊ុនចំរៀង KlapYaHandz ផងនិងនៅលើឆាណែលយូធូបផ្ទាល់ខ្លួនរបស់លោកផងមានដូចជាបទ«ឈូក» «កែខ្លួន» «Brotherhood» «OKG» «And Again» «ចចក» «សម្លកកូរ» និង«កិន្នរ» ជាដើម។
គួរអោយចាប់អារម្មណ៍ផងដែរបទចម្រៀងនៅក្រោមស្នាដៃផលិតរបស់ក្រុមហ៊ុន KlapYahandz តែងតែមានរសជាតិបែបខ្មែរជានិច្ច ដោយក្រោមការប្រមែប្រមូលសិល្បករខ្មែរ និងស្នាដៃនិពន្ធខ្មែរពិតៗនិងបានរំលេចចេញទៅតាមគ្រប់ទំរង់សិល្បៈតន្រ្តីដែលមានដូចជាចង្វាក់ហ៊ីបហប់ ,R&Bនិង Alternative Music។ ជាក់ស្តែងនៅក្នុងបទចម្រៀង«Stay the same» មួយនេះផងដែរក៏បានឆ្លុះបញ្ចាំងនៅទិដ្ឋភាពរស់នៅនៃសង្គមខ្មែរមួយផ្នែកផងដែរបង្ហាញនៃការវិវត្តរបស់សង្គមមនុស្សរាប់ចាប់តាំងពីជំនាន់មុន។ លោក RuthKoបានបង្ហាញខ្លួនរបស់លោករស់នៅជាមួយនឹងមនុស្សជំនាន់មុន ដែលនេះបង្ហាញពីខនសិបថ្មីនៃបទចម្រៀងរបស់លោកមួយនេះដែលលោកមិនបានផ្លាស់ប្តូរទៅណា។
ទាក់ទងនឹងការរ៉េបស៊កសៀតបែបនេះថា«I don't change Cause of fame Still fuck with the gang Never change Forget who I am Bitch I stay the same » ហាក់ដូចជាលោកកំពុង Disstrack អោយតារាហ៊ីបហប់ណាម្នាក់។ តើនោះអាចជាក្រុមក្មេងខ្មែរដែររឺទេ? ព្រោះបន្តមកលោកក៏បានរ៉េបថាមិនដឹងលេងចរឹកទៅណា ព្រោះថាឃើញថាមិនការ មិនដឹងលេងចរឹកទៅណា ព្រោះថាវាគ្មានអីអស្ចារ្យ មិនដឹងលេងចរឹកទៅណា ត្រឹមមនុស្សម្នាក់ដែលធម្មតា មិនដឹងលេងចរឹកទៅណា មិនចេះលេងដូចពួកអាកាកតារា និងតាមរយៈការស៊កសៀតតាមរយៈចំណងជើងចំរៀងថា«Stay the same»។ តើទស្សនិកជនយល់ឃើញយ៉ាងណា? Let me know in your comment below!
