កាលពីថ្ងៃទី១០ ខែមីនាកន្លងទៅនេះ តារាចម្រៀងនៃផលិតកម្ម Klapyahandz ទាំងពីររូប លោក RuthKo និងលោកវុទ្ធាបានរួមដៃគ្នាធ្វើការបង្ហើបឡើងនូវបទចម្រៀងថ្មីរបស់ពួកគេមួយបទដែលគ្រោងនឹងចេញឆាប់ៗនេះ។ ដោយបទចម្រៀងនេះគឺមានចំណងជើងថា«បងមកពីស្រុកលិច» រឺហៅថា«កន្រ្ទឹមWestside» ដែលត្រូវបានចែករំលែកឡើងទាំងនៅបណ្តាញសង្គមហ្វេសប៊ុក Tik Tok និង Instagram។ នៅក្នុងនោះផងដែរ លោក RuthKo បានធ្វើការបង្ហោះឡើងនូវប្លង់ច្រៀងរបស់លោកនៅលើគណនីរបស់លោក ខណៈលោកវុទ្ធាវិញក៏បានធ្វើការបង្ហោះឡើងនូវប្លង់ច្រៀងរបស់លោកវិញដូចគ្នានៅលើគណនីរបស់លោក។
គួរអោយចាប់អារម្មណ៍ផងដែរថា នៅលើបទចម្រៀងនេះ ពួកលោកបានប្រើជាមួយនឹង Hashtag ឡើងថា បងមកពីលិច បាត់ដំបង បន្ទាយមានជ័យ Westside ដែលនេះសបញ្ជាក់បានថាទាំងនេះគឺសុទ្ធសឹងជាទីតាំងដែលពួកគេនឹងត្រូវផ្តិតយកទិដ្ឋភាពនៃ M/V មួយនេះ។ គួរបញ្ជាក់ផងដែរថា លោក RuthKo និងលោកវុទ្ធាធ្លាប់បាន Collab បទចម្រៀងជាមួយគ្នាមួយចំនួនរួចមកហើយ ដោយពួកគេថែមទាំងជាដៃគូរួមផលិតកម្មជាមួយគ្នាដ៏យូរអង្វែងថែមទៀតផង។
នៅក្នុងនោះមានបទចម្រៀងដូចជា«កិន្នរ» និងបទ«ត្រឹមជាមិត្ត»។ គួររំលឹកផងដែរថា នាពេលនេះ សិល្បករថ្មីប្រចាំផលិតកម្ម Klapyahandz មួយរូបទៀតគឺជាលោក Gmengz ផងដែរដែលលោកនឹងត្រូវរួមដំណើរគ្នាជាមួយនឹងលោក RuthKo និងលោកវុទ្ធា ខណៈដែលនៅក្នុងការប្រកួត Rapper កន្លងមក លោកបានរួមដំណើរជាមួយនឹង Coach Norith នោះទេ។ តោះ! ទស្សនិកជនកុំភ្លេចធ្វើការ Check out បទថ្មីរបស់ផលិតកម្ម Klapyahandz មួយបទនេះផងណា!
