កាលពីថ្ងៃទី១៩ ខែកុម្ភៈកន្លងទៅនេះ​​​ អតីតបេក្ខជន The Rapper រដូវកាលទី១ លោក Russh បានធ្វើការទំលាក់បទថ្មីរបស់លោករួមគ្នាជាមួយនឹងលោក Goofy Second Champion ប្រចាំរដូវកាលទី១។ ដោយបទចម្រៀងនោះមានចំណងជើងថា«ONTHERSIDE» និងត្រូវបានទំលាក់ឡើងនៅលើឆាណែលយូធូបផ្លូវការ និងទំព័រហ្វេសប៊ុក Goofy-20របស់លោក Goofy ផងដែរ ដោយលោក Goofy បានភ្ជាប់ឡើងជាមួយនឹងខេបសិនថា«Happy Birthday To Me» ដែលហាក់បង្ហាញថានេះគឺជាចំណងដៃរួមគ្នារវាងលោក និងលោក Russh សម្រាប់ជាកាដូនៅថ្ងៃកំណើតរបស់លោក។  ខណៈជាមួយគ្នានោះផងដែរ លោក Russh ក៏បានសរសេរសារខមមែនខាងក្រោមនោះថា«Enjoy your birthday Gife’s G»។ 

គួរអោយចាប់អារម្មណ៍ផងដែរថា កាលពីប៉ុន្មានថ្ងៃកន្លងទៅនេះ លោក Goofy បានត្រឹមពន្លយសារថា លោកនឹងមានកាដូពិសេសនៅក្នុងថ្ងៃកំណើតរបស់លោក ដែលលោកបានបង្ហោះឡើងជាមួយនឹង Teaser បទ«Love Arrow» របស់លោកដែលមិនទាន់ចេញផ្សាយទៅវិញ ធ្វើអោយមហាជនមានការយល់ច្រលំ និងភ្ញាក់ផ្អើលជាខ្លាំងនឹងការធ្វើស៊ីផ្លូវអារម្មណ៍របស់លោក Goofy។ ចំណែកឯគួរបញ្ជាក់ផងដែរថា Teaser បទ«ONTHERSIDE»របស់លោកនេះត្រូវបានទំលាក់ឡើងមុនត្រឹមតែរយៈពេល2ម៉ោងប៉ុណ្ណោះនៅលើបណ្តាញសង្គម Tik Tok មុននឹងឈានដល់ការទំលាក់ឡើងជាផ្លូវការនៅលើឆាណែលយូធូបតែម្តង។ និងសង្កេតឃើញថា បន្ទាប់ពីការចេញផ្សាយភ្លាម បទចម្រៀងនេះក៏បានផ្ទុះឡើងជាគំហុុកនៅលើបណ្តាញសង្គម Tik Tok និងកើនឡើងជាលំដាប់នៅលើឆាណែលយូធូបផងដែរ។