ឥឡូវនេះ អ្វីៗដែលពួកយើងទាំងអស់គ្នាទន្ទឹងរងចាំ គឺបានមកដល់ហើយ​ បទចម្រៀងវីដេអូថ្មីក្រោមចំណងជើងថា “Run the Town” របស់លោក វណ្ណដា នឹងចេញជាផ្លូវការនៅថ្ងៃសុក្រ ទី២២ សប្តាហ៏នេះ។ បើពិនិត្យនៅ Poster នៃបទចម្រៀងដែលលោកបានធ្វើការផុសនៅតាមបណ្តាញសង្គមទាំងអស់របស់លោកកាលពីម្សិលមិញបានសរសេរនៅផ្នែកខាងលើ ដោយមានពាក្យជាភាសាអង់គ្លេសថា “We Gon’ Run the Town”។ លោកក៏បានបង្ហាញផងដែរថា បទចម្រៀងថ្មីនេះគេនឹងធ្វើការផុស្ត នៅលើបណ្តាញ​យូធូបផ្លូវការ របស់ផលិតកម្ម High Cloud Entertainment ។

សូមបញ្ជាក់ផងដែរថា បទចម្រៀង Run the Town ជាបទដែលនឹងច្រៀងរួមគ្នា រវាងលោក វណ្ណដា លោក F.Hero លោក 1Mill និង​​លោក Sprite ។ ម្យ៉ាងវិញទៀត បទនេះក៏មានផងដែរការសហការគ្នា រវាងផលិតកម្ម បារមី​ និង High Cloud ។ ជាការពិត មិនអ្នកគាំទ្ររូបលោកមិនតិចនោះទេ ដែលមានការរំភើប និងសប្បាយរីករាយទៅនឹងដំណឹងនៃការបញ្ចេញបទចម្រៀងថ្មី ដែលមានការបង្ហាញប្រាប់ដល់អ្នកគាំទ្រលឿនជាងរាល់ដង។ ទោះជាយើងមិនទាន់ដឹងច្បាស់ដែរទេថា តើបទចម្រៀងនេះនឹងមានអត្ថន័យយ៉ាងណា ឬច្រៀងជាភាសាអ្វីក៏ពិតមែនតែគ្រប់គ្នាកំពុងទន្ទឹងរង់ចាំយ៉ាងអន្ទះសារ។ ដូច្នេះកុំភ្លេចតាមដានទាំងអស់គ្នានៅ Channel ផ្លូវការរបស់ផលិតកម្មថៃ High Cloud Entertainment នៅថ្ងៃស្អែកទាំងអស់គ្នាណា។ ហើយតើអ្នកទាំងអស់គ្នាមានអារម្មណ៍យ៉ាងណាដែរ ចំពោះដំណឹងមួយនេះ កុំភ្លេច Comment ប្រាប់ Admin វិញផងណា៕ 

អត្ថបទដោយ Calvin Nann & KuyDorng