មានករណីគ្រោះថ្នាក់ចរាចរណ៍មួយមានការភ្ញាក់ផ្អេីលទាំងយប់ ដោយសារមានរថយន្តស៊េរីទំនើបម៉ាក Rolls Royce ១គ្រឿង បេីកក្នុងល្បឿនលឿនទៅបុកក្បាលព្រួញពុះចែកទ្រូងផ្លូវ យ៉ាងពេញទំហឹង បណ្ដាលអោយរថយន្តរងការខូចខាតផ្នែកខាងមុខយ៉ាងដំណំ នឹងបង្កអោយក្បាលព្រួញពុះចែកទ្រូងផ្លូវរងការខូចខាត រួមទាំងបាក់អស់បង្កោលភ្លេីងមួយដេីមផងដែរ។ 

នៅក្នុងហេតុការណ៍នេះជនបង្កដែលជាម្ចាស់រថយន្តម៉ាក Rolls Royce គឺនៅមិនទាន់ស្គាល់អត្តសញ្ញាណនៅឡើយ ដោយសារម្ចាស់រថយន្តព្យាយាមលាក់អត្តសញ្ញាណ។ ហេតុការណ៍ស្ថិតតាមបណ្ដោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ វេលាម៉ោង ២,៣០នាទី រំលងអាធ្រាត្រ ឈានចូលថ្ងៃទី ១៣ ខែតុលា ឆ្នាំ ២០២១។

បើតាមសាក្សីបានឃើញហេតុកាណ៏បានប្រាប់អោយដឹងថា មុនពេលកើតហេតុខាងលើ បានឃើញរថយន្ត សេរីទំនើប១គ្រឿងម៉ាក Rolls Royce ពណ៌ស ស្លាកលេខ កម្ពុជា MR.IDOl បើកក្នុងល្បឿនលឿនតាមបណ្តោយផ្លូវ សហព័ន្ទរុស្សី សង្ស័យថាស្រវឹងផងដែរនោះ ពេលមកដល់ចំនុចកើតហេតុ បានបុកពេញទំហឹងទៅនឹងក្បាលនាគ ពុះទ្រូងផ្លូវ បណ្លាលអោយរងការខូចខាតយ៉ាងតំណំ ភ្លាមៗនោះផងដែរខាងអ្នកបើកបរ បានអោយអង្គរក្សខ្លួន ដោះស្លាកលេខយកទៅជាមួយ នៅតែអង្គរក្ស ៣នាក់នៅចាំម់លរថយន្តបន្តនៅកន្លែងកើតហេតុហេតុការណ៏នេះមិនបង្កអោយនរណាម្នាក់រងគ្រោះថ្នាក់នោះឡើយ ហើយបើទោះជាក្រុមការងារសារព័ត៌មានយើងព្យាយាមសាកសួរក៏ខាងអ្នកបើកបរមិនបានបំភ្លឺនោះឡើយ ក្រោយគ្រោះថ្នាក់ចរាចរណ៏ដ៏រន្ធត់នេះ រថយន្តបង្ក ត្រូវបានយកទៅរក្សាទុកនៅ ការិយាល័យចរាចរណ៏ជើងគោគនៃស្នងការនគរបាលរាជធានីភ្នំពេញ ដើម្បីរៀបចំសំណុំឯកសារចាត់ការតាមនីតិវិធីច្បាប់៕