Hong Kong -CNN

តៃវ៉ាន់នឹងត្រូវអញ្ជើញឲ្យចូលរួមនៅក្នុងសមយុទ្ធនាវាដ៏ធាជាងគេនៅឆ្នាំក្រោយ បើយោលទៅតាមពង្រាងផែនការចំណាយរបស់ក្រសួងការពារជាតិអាមេរិកក្នុងឆ្នាំ២០២២ ដែលបានចុះហត្ថលេខាឲ្យក្លាយទៅជាច្បាប់ដោយលោកប្រធានាធិបតីអាមេរិក Joe-Biden ក្នុងសប្តាហ៍នេះ ។ ច្បាប់ដែលផ្តល់សិទ្ធអំណាចដល់ក្រសួងការពារប្រទេស (NDAA) ក្នុងឆ្នាំ២០២២ និយាយថាការអញ្ជើញនេះនឹងបន្ថែមនូវការប្រឹងប្រែងរបស់អាមេរិកក្នុងការគាំទ្រដែនកោះដែលគ្រប់គ្រងខ្លួនឯងដោយលទ្ធិប្រជាធិបតេយ្យ ក្នុងការប្រឈមទៅនឹង ការកើនឡើងអាកប្បកិរិយានៃការទន្រ្ទាននិងការឈ្លានពានដោយសារចិន។

ច្បាប់ NDAA នឹងផ្តល់នូវសិទ្ធអំណាចដ៏សមរម្យសំរាប់កម្មវិធីសន្តិសុខជាតិនៅទូទាំងក្រសួង ការពារជាតិ ឋាមពលនិងក្រសួងការបរទេស។ នៅក្នុងជំពូក១២៤៦​ នៃច្បាប់ទំនាក់ទំនងជាមួយតៃវ៉ាន់ ដែលបានបែកចេញពីចិនដីគោកអស់រយៈពេលជាង៧០ឆ្នាំកន្លងទៅ ប៉ុន្តែដែលចិននៅតែពិចារណារថាជាដែនដីរបស់ខ្លួន និងលោកប្រធានាធិបតី Xi JingPing បានប្តេជ្ញាចិត្តថានឹងនាំយកមកឲ្យនៅក្រោមការត្រួតត្រារបស់ខ្លួន។ ទីក្រុងវ៉ាស៊ិនតោន បានប្តេជ្ញាចិត្តចំពោះភាពស្វ័យយ័តរបស់កោះនេះ ចាប់តាំងពីបានអនុម័ត្តនូវច្បាប់ទំនាក់ទំនងតៃវ៉ាន់ក្នុងឆ្នាំ១៩៧៩ ដែលបានអនុញ្ញាតិឲ្យសហរដ្ឋអាមេរិកផ្គត់ផ្គង់ទីក្រុងតៃបុិនូវមធ្យោបាយការពារខ្លួនដើម្បីការពាររាល់ការឈ្លានពានរបស់ទីក្រុងប៉េកាំង។

ដោយយោងទៅតាមច្បាប់១៩៧៩, NDAA ឆ្នាំ២០២២ និយាយថា “សហរដ្ឋអាមេរិកគួរបន្តការគាំទ្រនូវការអភិវឌ្ឍនៃសមត្ថភាព ការត្រៀមខ្លួន និងកងកម្លាំងការពារទំនើប ដែលជាភាពចាំបាច់សំរាប់តៃវ៉ាន់ដើម្បីថែរក្សារនូវលក្ខណៈសម្បត្តិគ្រប់គ្រាន់ក្នុងការការពារខ្លួនឯង ដោយសមរម្យ រួមបញ្ចូលទាំង អញ្ជើញតៃវ៉ាន់ឲ្យចូលរួមនៅក្នុងសមយុទ្ធនាវាដ៏ធំ RIMPAC នៅក្នុងឆ្នាំ២០២២”។ សមយុទ្ធដ៏ធំនេះត្រូវបានគេរំពឹងថានឺងធ្វើឡើងនៅរដូវក្តៅឆ្នាំក្រោយ ដែលនឹងមានការចូលរួមពីអង្គភាពយោធាចំនួន៤៨អង្គភាពមកពី២០ប្រទេស ដែលមានបុគ្គលិកចំនួន ២៥,០០០នាក់ បើយោលទៅតាមសេចក្តីថ្លែងការណ៍កាលពីខែធ្នូពីកងនាវាចរណ៍ទី៣នៅ San Diego ដែលជាអ្នកត្រួតពិនិត្យ RIMPAC។

សហរដ្ឋអាមេរិកមិនបានបញ្ចេញឲ្យដឹងពីចំនួនពិតប្រាកដនៃប្រទេស ដែលត្រូវអញ្ជើញឲ្យចូលរួមក្នុង RIMPAC ២០២២នោះទេ ប៉ុន្តែលទ្ធភាពនៃការអញ្ជើញតៃវ៉ាន់គឺជាការជូនដំណឹងមុនគេចំពោះកោះនេះ។ លទ្ធភាពនៃការជូនដំណឹងចំពោះការអញ្ជើញប្រទេសដ៏ទៃទៀតវាអាស្រ័យទៅលើទម្រង់នៃសក្តានុពល ពីនាវា យន្តហោះនិងអ្នកសង្កេតការណ៍មួយចំនួន។ ទីបញ្ជាការអាមេរិកដែលមានមូលដ្ឋាននៅ ហាវ៉ៃ កាលពីថ្ងៃអង្គារមិនបានឆ្លើយតបទៅនឹងសំណូមពរក្នុងការធ្វើអត្ថាធិប្បាយនៃការអញ្ជើញតៃវ៉ាន់នេះទេ។