អ្នកថតរូប Miles Diggs បានបង្ហោះរូបភាពនៅលើគណនី Instagram របស់គាត់ជាមួយនឹងចំណងជើងថា "SHE IS!" ដែលន័យថា នេះជានាងពិតប្រាកដ ដែលបានធ្វើអោយមហាជនអ្នកលេងបណ្តាញសង្គមទាំងអស់បានចែករំលែកតៗគ្នា។ទស្សនាវដ្ដី People បាននិយាយថា រូបថតនោះត្រូវបានថតកាលពីចុងសប្តាហ៍កំឡុងពេលដំណើរកម្សាន្តរបស់ពួកគេនៅ Harlem ។តារាចម្រៀងដ៏ល្បីនិងជាម្ចាស់បទ "Diamonds" កើតនៅ Barbados ដែលមានឈ្មោះកំណើតថា Robyn Fenty បានឈ្នះពានរង្វាន់ Grammy ចំនួនប្រាំបួនហើយ ថែមទាំងបានបង្កើតម៉ាកយីហោគ្រឿងសម្អាង និង Fashion សម្លៀកបំពាក់ Fenty ផងដែរ។
Rihanna និង A$AP Rocky ជាបានរាប់អានគ្នាជាមិត្តអស់រយៈពេលជាច្រើនឆ្នាំមកហើយ មុនពេលពួកគេចាប់ផ្តើមទំនាក់ទំនងស្នេហានេះ។ តារារ៉េប A$AP Rocky ក៏បានធ្លាប់ប្រាប់ទស្សនាវដ្តី GQ ក្នុងខែឧសភា ឆ្នាំ 2021 ថានាងគឺជា "សេចក្តីស្រឡាញ់នៃជីវិតរបស់លោក" ហើយបានបន្តថាលោកពិតជាចង់ក្លាយជាឪពុកដ៏ល្អម្នាក់។ លោកក៏បាននិយាយទៀតថា “លោកនឹងមានភាពជឿជាក់ថាលោកនឹងក្លាយជាឪពុកដ៏អស្ចារ្យ និងគំរូម្នាក់” ។
ប្រភព Reuters