Rihanna មានស្រុកកំណើតនៅប្រទេស Barbados ហើយធំដឹងក្តីឡើងនៅក្នុងបឹងហ្គាឡូតូចមួយ។ នាងរស់នៅក្នុងផ្ទះដែលពោរពេញទៅដោយបញ្ហា ជាមួយនឹងប្រាក់ចំណូលទាបបំផុត។ Rihanna មានកុមារភាពដ៏លំបាក ដោយសារតែនាងតែងតែនៅក្នុងបញ្ហាអាពាហ៍ពិពាហ៍របស់ឪពុកម្តាយរបស់នាង ហើយឪពុករបស់នាង តែងតែសេពគ្រឿងញៀន និងគ្រឿងស្រវឹង។ ជារឿយៗ ឪពុករបស់នាងតែងតែមកផ្ទះទាំងស្រវឹង បន្ទាប់ពីប្រើលុយប្រាក់ខែអស់ទៅលើថ្នាំញៀន និងគ្រឿងស្រវឹង។ ហើយពេលត្រឡប់មកដល់ផ្ទះវិញ គាត់បានប្រើអំពើហឹង្សាទៅលើម្តាយរបស់នាងទៀតផង។ Rihanna ក៏ធ្លាប់ជាជនរងគ្រោះនៃការវាយដំរបស់ឪពុករបស់គាត់ផ្ទាល់ផងដែរ នៅពេលដែលនាងសួរថា តើនាងអាចនៅលេងលើឆ្នេរ 10 នាទីទៀតបានឬទេ។
លើសពីនេះទៅទៀត នៅពេលឪពុករបស់នាង បានបាត់បង់ការងារ គ្រួសាររបស់នាងមានបន្ទុកគ្រួសារកាន់តែពិបាកខ្លាំងជាងពេលណាៗទាំងអស់។ បញ្ហាទាំងនេះ គឺជាប្រភពនៃភាពតានតឹងក្នុងជីវិតរបស់នាង ហើយនាំឱ្យនាងក្លាយជាមនុស្សដែលស្ងប់ស្ងាត់បំផុត។ នាងស្ទើរតែមិនអាចនិយាយជាមួយនរណាម្នាក់ដោយសារតែរឿងនោះ។ នៅពេលដែល Rihanna មានអាយុត្រឹមតែ 8 ឆ្នាំ នាងចាប់ផ្តើមមានអាការៈឈឺក្បាលយ៉ាងខ្លាំង ដែលនាំឱ្យនាងត្រូវទៅពិនិត្យពីសុខភាពរបស់នាងជាញឹកញាប់។ គ្រូពេទ្យបានគិតថា Rihanna ប្រហែលជាមានដុំសាច់ក្នុងខួរក្បាល ប៉ុន្តែបន្ទាប់ពីឪពុកម្តាយរបស់នាងបានលែងលះគ្នា ការឈឺក្បាលមួយនោះក៏បានឈប់ដូចគ្នា។ នៅសាលាអ្វីៗមិនសូវមុខពីរឿងនៅផ្ទះរបស់នាងប៉ុន្មាននោះទេ។ នាងត្រូវបានក្មេងៗធ្វើបាបឥតឈប់ឈរដោយសារតែសម្បុរស្បែករបស់នាងដែលមានខ្សែស្រឡាយជនជាតិអៀរឡង់ខាងឪពុករបស់នាង។ ដោយសារតែការធ្វើបាបទាំងនេះ Rihanna ទទួលបានកេរ្តិ៍ឈ្មោះថា ជាមនុស្សមានភាពអៀនខ្មាសខ្លាំង។
“ស្បែកក្រាស់នេះ បានមានការអភិវឌ្ឍតាំងពីថ្ងៃដែលខ្ញុំបានចូលរៀនដំបូង។ វាមិនបានកើតឡើងបន្ទាប់ពីទទួលបានភាពល្បីល្បាញនោះទេ។ ខ្ញុំមិនអាចឆ្លងផុតពីឧបសគ្គដែលមាននៅពេលមានភាពល្បីល្បាញបានទេ ប្រសិនបើខ្ញុំមិនទាន់មានវា... ដូច្នេះពេលខ្លះ រឿងពិបាកបំផុតក្នុងជីវិត គឺជាការងាយរងគ្រោះ” ។
ដូច្នេះ តើជីវិតរបស់នាងបានផ្លាស់ប្តូរដោយរបៀបណា?
នៅអាយុ 15 ឆ្នាំ Rihanna បានយកឈ្នះលើភាពអៀនខ្មាស់របស់នាង ហើយបានឈ្នះកម្មវិធីប្រកួតសម្ផស្សក្នុងវិទ្យាល័យរបស់នាង សម្រាប់ការច្រៀងបទ "Hero" របស់ Mariah Carey ។ នៅពេលនាងមានអាយុ 16 ឆ្នាំ ផលិតករជនជាតិអាមេរិក Evan Rogers បានមើលឃើញសមត្ថភាពរបស់ Rihanna នៅក្នុងការប្រកួតប្រជែងមួយ ខណៈពេលដែលគាត់កំពុងវិស្សមកាលនៅ Barbados ។ គាត់ដឹងថាគាត់បានរកឃើញមនុស្សពិសេសម្នាក់។ បន្ទាប់ពីពីរបីខែក្រោយមក Rihanna បានចាកចេញពី Barbados មកកាន់សហរដ្ឋអាមេរិក ហើយស្នាក់នៅផ្ទះរបស់ លោក Rogers ជាមួយគាត់និងប្រពន្ធរបស់គាត់។
“នៅពេលដែលខ្ញុំចាកចេញពី Barbados ខ្ញុំមិនងាកក្រោយនោះទេ។ ខ្ញុំចង់ធ្វើអ្វីដែលខ្ញុំត្រូវធ្វើ បើទោះជាត្រូវផ្លាស់ទៅអាមេរិកក៏ដោយ”។
មិនយូរប៉ុន្មាន Rogers និង Rihanna បានថតបទចម្រៀងដំបូងរបស់នាង "Pon de Replay" ហើយត្រូវបានបញ្ជូនទៅក្រុមហ៊ុនថតចម្លងជាច្រើន ប៉ុន្តែសំណាងល្អមួយក្នុងចំណោមក្រុមហ៊ុនទាំងនេះ ក៏មានក្រុមហ៊ុនដែលជាកម្មសិទ្ធិរបស់តារាចម្រៀងរ៉េបដ៏ល្បីល្បាញ Jay-Z ដូច្នេះសម្លេងចម្រៀងមួយបទនោះ បានចុះចតនៅលើតុរបស់គាត់។ Jay-Z បានចុះកិច្ចព្រមព្រៀងជាមួយនាងត្រឹមតែមួយថ្ងៃប៉ុណ្ណោះ។ គាត់ចំណាយពេលតែ 2 នាទីប៉ុណ្ណោះ ដើម្បីដឹងថា នាងគឺជាតារាម្នាក់។ ហើយដូចដែលយើងបានដឹងសព្វថ្ងៃនេះថា គាត់មិនបានយល់ច្រឡំនោះទេ។
អស់រយៈពេលត្រឹមតែមួយទស្សវត្សរ៍ប៉ុណ្ណោះ នាងបានសាងអាជីពដែលរកបានយ៉ាងលំបាករបស់នាង។ នាងបានក្លាយជាសហគ្រិនដ៏ជោគជ័យ តារាចម្រៀង តារាសម្តែង និងតារាបង្ហាញម៉ូត។ Rihanna បានលក់អាល់ប៊ុមជាង 540 លាននៅទូទាំងពិភពលោក។ នាងបានឈ្នះពានរង្វាន់ Grammy ចំនួន 9 ហើយគួរបញ្ជាក់ផងដែរថា Rihanna គឺជាសិល្បករទោលដែលមានវ័យក្មេងជាងគេបំផុតដែលរកបាន 14 បទចម្រៀងដែលល្បីល្បាញនៅលើ Billboard ។ ប៉ុន្តែក្នុងចំណោមពានរង្វាន់ និងជោគជ័យជាច្រើន នាងក៏ជាអ្នកមនុស្សធម៌ និងមានចិត្តល្អផងដែរ។ ក្នុងឆ្នាំ 2006 នាងបានបង្កើតមូលនិធិ Belief ដើម្បីជួយដល់កុមារដែលមានជំងឺដំណាក់កាលចុងក្រោយ។ ហេតុផលមួយដែលធ្វើឱ្យ Rihanna ជោគជ័យខ្លាំងនាពេលបច្ចុប្បន្ននេះ ទោះបីជាមានបញ្ហាលំបាកខ្លាំងប៉ុណ្ណា នៅពេលដែលនាងធំដឹងក្តីឡើងក៏ដោយ ហើយការលំបាកផ្ទាល់ខ្លួនដែលនាងទទួលបានបន្ទាប់ពីមានភាពល្បីល្បាញរបស់នាង គឺភាពស្មោះត្រង់នឹងខ្លួនឯង។ វាជារឿងល្អក្នុងការនិយាយរបស់អ្នកដទៃ ប៉ុន្តែវាមិនមានន័យថា អ្នកត្រូវផ្លាស់ប្តូរវិចារញាណរបស់អ្នកនោះទេ។
អ្នកនឹងមានពេលខ្លះនៅក្នុងជីវិតរបស់អ្នក ដែលអ្វីគ្រប់យ៉ាងនៅក្នុងចិត្តរបស់អ្នកនឹងមានភាពស្ងប់ស្ងាត់ ហើយរឿងតែមួយគត់ដែលអ្នកនឹងអាចលឺបាននោះ គឺការលោតចង្វាក់បេះដូងរបស់អ្នក។ អ្នកត្រូវការស្តាប់វា បើមិនដូច្នេះទេ អ្នកនឹងមិនអាចយល់ពីអ្វីដែលវាកំពុងព្យាយាមប្រាប់អ្នកដោយអស់សង្ឃឹមនោះទេ។ មនុស្សជាច្រើនតែជួបបញ្ហាជាមួយនឹងការទំនុកចិត្តលើខ្លួនឯងទាប ហើយពួកគេជឿថា ពួកគេមិនល្អគ្រប់គ្រាន់ ដូច្នេះពួកគេចំណាយពេលជាច្រើនផ្តោតលើអ្វីដែលអ្នកដទៃនិយាយអំពីពួកគេ ហើយភ្លេចថាពួកគេពិតជានរណា។
"អ្នកប្រហែលជាមិនដែលល្អគ្រប់គ្រាន់សម្រាប់មនុស្សគ្រប់គ្នានោះទេ ប៉ុន្តែអ្នកនឹងតែងតែល្អបំផុតសម្រាប់នរណាម្នាក់។ នៅពេលអ្នកធ្វើតាមអ្វីដែលមានអារម្មណ៍ថា អស្ចារ្យសម្រាប់អ្នក អ្នកមិនអាចបាត់បង់ខ្លួនឯងឡើយ។ នៅពេលអ្នកធ្វើតាមបេះដូងរបស់អ្នក ហើយអ្នកស្មោះត្រង់នឹងខ្លួនអ្នក នោះអ្នកនឹងចាប់ផ្តើមមានជំនឿ ហើយជឿថា អ្នកអាចឆ្លងកាត់បាននូវអ្វីគ្រប់យ៉ាងដែលចូលមកក្នុងជីវិតរបស់អ្នក។ នៅពេលអ្នកដឹងថា អ្នករស់នៅដើម្បីអ្វីមួយ ហើយអ្នកណាសំខាន់ដើម្បីផ្គាប់ចិត្ត មនុស្សជាច្រើននឹងចាប់ផ្តើមរស់នៅពិតប្រាកដ។ ខ្ញុំនឹងក្រឡេកមើលជីវិតរបស់ខ្ញុំវិញ ហើយថាខ្ញុំរីករាយនឹងវា ហើយខ្ញុំរស់នៅសម្រាប់ខ្ញុំ"៕
