ព្រោះហេតុនេះ​ Honda Civic ​បានក្លាយជារថយន្តតូចល្អ​ និងជារថយន្តតូចដ៏ពេញនិយមបំផុតមួយនៅលើពិភពលោក។​ ម្យ់ាងវិញទៀត វាមានបំពាក់ការគ្រប់គ្រងការបើកបរប្រកបដោយផាសុកភាព​ និងាការសន្សំសំចៃប្រេងដ៏ល្អឥតខ្ចោះផងដែរ។​

ចំណែកឯ ម៉ាស៊ីនមូលដ្ធានរបស់វា​នឹងមិនសូវធ្វើឲ្យអ្នករំភើបអ្វីនោះទេ ប៉ុន្តែរោងចក្រថាមពលដែលបំពាក់ដោយម៉ាស៊ីន Turbocharge ប្រាកដណាស់ជួយធ្វើឲ្យអ្នកមានទំនុកចិត្តនៅក្នុងការបើកបរនៅលើផ្លូវជាមួយនឹង​ Honda Civic នេះ។ នៅផ្នែកខានក្នុងឡាន​ Civic វាត្រូវបានបំពាក់ទៅដោយបច្ចេកវិទ្យា​ និងអ្វីទាំងអស់ត្រូវបានឌីហ្សាញយ៉ាងស្អាត និងល្អប្រណិត ជាពិសេស កៅអីទាំងពីរជួរធំទូលាយល្អ និងមានផាសុកភាព​ ហើយតួរបស់យន្តធំល្មមល្អគួរជាទីចាប់អារម្មណ៍។ ដូច្នេះហើយ បានជា យើងដាក់ឈ្មោះរថយន្ត​ Civic 2022 របស់យើងថា ជារថយន្តធុនតូចល្អបំផុតសម្រាប់ការចំណាយ ព្រោះដោយសារតែវាមានការរួមផ្សំគ្នានៃគុណភាព និងតម្លៃដ៏ល្អបំផុតនៅក្នុងក្រុមរបស់វា។ 

ហើយបើសួរថា​ តើខ្ញុំគួរទិញ Honda Civic រឺអត់? 

ចម្លើយដ៏ល្អនោះ គឺអ្នកគួរតែទិញ ពីព្រោះវា ជាជម្រើសកំពូលនៅក្នុងក្រុម ហើយវាអាចផ្តល់ឲ្យអ្នកនូវជម្រើសជាច្រើន​ ហើយវាអាចផ្ទុកមនុស្សបានប្រាំនាក់។ ជាការពិត ហេតុអ្វីអ្នកត្រូវជឿជាក់លើពួកយើង? ពួកយើងបានវិភាគនូវការពិនិត្យ Honda Civic ទាំង18 រួមជាមួយនឹងពិន្ទុនៃភាពជឿជាក់ ការប៉ាន់ប្រមាណអំពីការចំណាយលើឥន្ធនៈ និងផ្សេងៗទៀត​ដើម្បីជួយឲ្យអ្នក អាចសម្រេចចិត្តបានត្រឹមត្រូវ ថាតើរថយន្ត​ Honda Civic 2022 ស័ក្តិសមសម្រាប់អ្នកឬ ក៏អត។ U.S. News Best Cars បានចាប់ផ្តើមការងារខាងពិនិត្យយានយន្តចាប់តាំងពីឆ្នាំ 2007 មកម្លេះ ហើយបុគ្គលិករបស់យើងមានបទពិសោធន៍រួមគ្នាជាង75 ឆ្នាំមកហើយនៅក្នុងឧស្សាហកម្មរថយន្ត។ ដើម្បីធានាឲ្យបាននូវវត្ថុបំណងរបស់យើង យើងមិនដែលទទួលយកអំណោយថ្លៃៗពីក្រុមហ៊ុនផលិតរថយន្តទេ ហើយក្រុមហ៊ុនខាងក្រៅគ្រប់គ្រងការផ្សាយពាណិជ្ជកម្មនៅលើគេហទំព័ររបស់យើង។

ប្រភេទម៉ូឌែលរបស់ Honda Civic  

Honda Civic 2022 មានពីរ models គឺ model Sedan និង Hatchback។ រថយន្ត​ Civic Sedan ចែកចេញជាបួនប្រភេទគឺ LX​ (តម្លៃ​ 21,700 ដុល្លា), Sport (តម្លៃលក់រាយ 23,100 ដុល្លា),  EX (តម្លៃ 24,700 ដុល្លា), និង Touring (តម្លៃដើម 28,300 ដុល្លា) ហើយចំណែកខាង Hatchback មាននៅក្នុង LX (22,900 ដុល្លា)  Sport (តម្លៃ 24, 100 ដុល្លា),  EX-L (តម្លៃ 26,600 ដុល្លា) និង Sport Touring (តម្លៃ 29,400 ដុល្លា)។