កាលពីថ្ងៃទី១៤ ខែកុម្ភៈកន្លងទៅនេះ ម្ចាស់បទចម្រៀង«សង្ស័យ»កញ្ញា រ៉េត ស៊ូហ្សាណា បានធ្វើការបង្ហោះរូបភាពមួយចំនួននៅលើកម្មវិធីបណ្តាញសង្គមផ្សេងៗរបស់នាងដែលមានរូបនាងកាន់បាចផ្កាកូលាបពណ៌ក្រហមដ៏ស្រស់ស្អាតនៅខាងមុខរថយន្តទំនើបខ្មៅរលើបមួយគ្រឿង។ កញ្ញារ៉េតស៊ូហ្សាណាបានសរសេររៀបរាប់ឡើងថា«អរគុណម្ចាស់ផ្កា សំរាប់៩៩ទង» និង«Happy Valentine’sDay» ដែលធ្វើអោយបណ្តាអ្នកគាំទ្ររបស់នាងជាច្រើននាក់មានការរំជើបរំជួលចង់ដឹងក្នុងចិត្តជាខ្លាំងថានរណាជាម្ចាស់បាចផ្កាដ៏ស្រស់ស្អាតមួយនេះ។ 

ការសន្និដ្ឋានរបស់មនុស្សមួយចំនួនក៏បានសង្ស័យឡើងថានេះប្រហែលជារបស់កូនលោក ព្រាប សុវត្ថិ គឺលោក Sovath Monineak ហើយ ព្រោះយ៉ាងណាមិញកន្លងទៅអ្នកទាំងពីរបង្ហាញភាពស្និទ្ធស្នាលនឹងគ្នាគួរអោយកត់សម្គាល់ជាងគេនៅក្នុងការងារសិល្បៈរាប់តាំងពីការថតនូវ M/V បទចម្រៀងសង្ស័យ និងត្រលប់ទៅមើលការបង្ហោះរបស់នាងនៅក្នុងដើមខែមករាឆ្នាំ២០២៣នេះនូវរូបភាពរបស់ពួកគេចែករំលែកភាពរីករាយជាមួយគ្នាជាមួយនឹងខេបសិនថា«Happy New Year from us everyone» ដែលបានធ្វើអោយសាធារណជនជាច្រើននាំគ្នាបញ្ចេញមតិសរសើរមិនដាច់ពីមាត់ថា «BestCouple» និងសូម្បីលោកជា សុវណ្ណរិទ្ធ ក៏បានចូលមកបញ្ចេញមតិអោយដឹងល្ហៀងៗសួរនាំផងដែរថា«Privateដល់អង្កាល់ពីនាក់?»។ ថ្វីបើនៅមិនទាន់ដឹងច្បាស់ថារឿងរ៉ាវពិតជាយ៉ាងណាអោយប្រាកដ មានតែពេលវេលាទេជាអ្នកបកស្រាយ ចុះទស្សនិកជនវិញយល់ឃើញយ៉ាងម៉េចដែរ? Let me know in your comment below!