សម្ព័ន្ធអន្តរជាតិប្រឆាំងនឹងក្រុម Houthi នៅយេម៉ែនដើម្បីរក្សាសុវត្ថិភាពសមុទ្រក្រហមបានបរាជ័យ បន្ទាប់ពីអេហ្ស៊ីប និងអារ៉ាប៊ីសាអូឌីតបានជំទាស់។ បារ៉ែន និងUAE បានចូលរួមក្នុងសម្ព័ន្ធអន្តរជាតិប្រឆាំងនឹងយេម៉ែន និងក្រុម Houthi ដែរ។ ប៉ុន្តែសម្ព័ន្ធអន្តរជាតិនឹងមិនវាយប្រហារក្រុម Houthi នោះទេដោយសារភ័យខ្លាចផ្ទុះឡើងសង្គ្រាមលើប្រទេសយេម៉ែន។ ការបរាជ័យនៃការចរចាទំនប់ Renaissance ជាមួយនឹងការឈ្លានពានរបស់ក្រុមកងកម្លាំងរហ័សលើរដ្ឋ Blue Nile។ ហេតុអ្វីបានជា UAE គាំទ្រអ៊ីស្រាអែលប្រឆាំងនឹងហ្គាហ្សា? ហេតុអ្វីបានជា UAE គាំទ្រសម្ព័ន្ធអន្តរជាតិដើម្បីវាយប្រហារយេម៉ែន? តើ UAE កំពុងវាយប្រហារអេហ្ស៊ីបពីភាគខាងត្បូង ខណៈដែលអេហ្ស៊ីបកំពុងតែជាប់គាំងជាមួយនឹងបញ្ហាសង្រ្គាម ហ្គាហ្សាដែរឬទេ?
-
អាមេរិកប្រកាសពីបេសកកម្មសម្ព័ន្ធប្រឆាំងនឹងយេម៉ែន
យោងតាមសារព័ត៌មាន AP News ចុះផ្សាយថ្ងៃទី១៩ ខែធ្នូបានអោយដឹងថា រដ្ឋមន្ត្រីការពារជាតិលោក Lloyd Austin បានប្រកាសកាលពីថ្ងៃអង្គារនៅប្រទេសបារ៉ែនថា សហរដ្ឋអាមេរិក និងប្រទេសមួយចំនួនទៀតកំពុងបង្កើតកងកម្លាំងថ្មីមួយដើម្បីការពារកប៉ាល់ឆ្លងកាត់សមុទ្រក្រហម ដែលរងការវាយប្រហារដោយដ្រូន និងមីស៊ីលផ្លោងដែលបាញ់ចេញពីតំបន់ដែលគ្រប់គ្រងដោយក្រុម Houthi នៃប្រទេសយេម៉ែន។
នៅក្រោមបេសកកម្មថ្មីនេះ នាវាយោធានឹងមិនចាំបាច់អមដំណើរនាវាជាក់លាក់ណាមួយនោះទេ ប៉ុន្តែនឹងត្រូវដាក់នៅទីតាំងណាមួយដើម្បីផ្តល់ការការពារសម្រាប់ពួកវាតាមដែលអាចធ្វើបានទៅតាមពេលវេលាកំណត់ណាមួយ នេះបើតាមមន្រ្តីម្នាក់លើកឡើង ដោយមិនបញ្ចេញព័ត៌មានលំអិតពីរបៀបដែលប្រតិបត្តិការថ្មីនេះនឹងដំណើរការនោះទេ។
-
អេហ្ស៊ីប និងអារ៉ាប៊ីសាអូឌីតបដិសេធសម្ព័ន្ធប្រឆាំងនឹងយេម៉ែន
យោងតាមសារព័ត៌មាន The New York Times ចុះផ្សាយថ្ងៃទី១៩ ខែធ្នូបានអោយដឹងថា កងជីវពល Houthi ដែលមានមូលដ្ឋាននៅយេម៉ែន បាននិងកំពុងកំណត់គោលដៅលើនាវាពាណិជ្ជកម្មក្នុងប៉ុន្មានសប្តាហ៍ថ្មីៗនេះ ប៉ុន្តែគ្មានមហាអំណាចក្នុងតំបន់ណាមួយបានចូលរួមជាមួយកងកម្លាំងដែនសមុទ្រដែលដឹកនាំដោយសហរដ្ឋអាមេរិកនៅលើសមុទ្រក្រហមនោះទេ។
មានភាពអវត្តមានគួរឱ្យកត់សម្គាល់ក្នុងចំណោមប្រទេសដែលចូលរួម នៅពេលដែលរដ្ឋមន្ត្រីការពារជាតិលោក Lloyd J.Austin III បានប្រកាសថា សហរដ្ឋអាមេរិកកំពុងរៀបចំកងនាវាចរណ៍ថ្មីដើម្បីទប់ទល់នឹងការគំរាមកំហែងពីកងជីវពល Houthi របស់យេម៉ែន ដែលកំពុងតែឈ្លានពានប្រឆាំងនឹងការដឹកជញ្ជូនជាសកលលោកនៅលើសមុទ្រក្រហម។
ប៉ុន្តែគ្មានមហាអំណាចក្នុងតំបន់ណាមួយបានយល់ព្រមថាកងទ័ពជើងទឹករបស់ខ្លួននឹងចូលរួមនោះទេ។ ប្រទេសមជ្ឈិមបូព៌ាតែមួយគត់ដែលចូលរួមនោះគឺជារដ្ឋកោះដ៏តូចមួយនៃប្រទេសបារ៉ែន ខណៈដែលមានភាពស្ងៀមស្ងាត់គួរឱ្យកត់សម្គាល់ពីរាជធានីផ្សេងៗទៀតក្នុងតំបន់។
-
អាមេរិកគំរាមរារាំងទំនប់Renaissance ដោយអារ៉ាប់រួម និងកងកម្លាំងគាំទ្ររហ័សនៅស៊ូដង់
យោងតាមសារព័ត៌មាន CNN Arabic ចុះផ្សាយថ្ងៃទី១៩ ខែធ្នូបានអោយដឹងថា ប្រទេសអេហ្ស៊ីបបានប្រកាសពីការបញ្ចប់ការចរចារទំនប់ Renaissance ជាលើកទីបួន និងលើកចុងក្រោយរវាងប្រទេសនេះ ស៊ូដង់ និងអេត្យូពី ដោយនិយាយថា ខ្លួននឹងរក្សាសិទ្ធិរបស់ខ្លួន "ដើម្បីការពារទឹក និងសន្តិសុខជាតិរបស់ខ្លួន ប្រសិនបើវាប្រឈមនឹងភាពគ្រោះថ្នាក់" បន្ទាប់ពីប្រទេសទាំងបីបានបរាជ័យក្នុងការឈានដល់កិច្ចព្រមព្រៀងមួយ។
ការបរាជ័យនៃការចរចាទំនប់ Renaissance នេះ អាចចោទឡើងជាសេចក្តីសន្និដ្ឋានថា អាមេរិកអាចនឹងធ្វើការគំរាមអេហ្ស៊ីបបានដោយការរារាំងទំនប់ Renaissance នេះ ជាមួយនឹងការឈ្លានពានរបស់ក្រុមកងកម្លាំងគាំទ្ររហ័សរបស់ប្រទេសស៊ូដង់មកលើរដ្ឋនៅលើទន្លេ Blue Nile មួយនេះ។ ម្យ៉ាងវិញទៀតផងដែរ ក៏អាចខ្ចីដៃពីប្រទេសអារ៉ាប់រួមផងដែរ ដែលជាប្រទេសមួយគាំទ្រអ៊ីស្រាអែលក្នុងការប្រឆាំងជាមួយនឹងអេហ្ស៊ីប។
