កាលពីពេលថ្មីៗនេះតារាចម្រៀងរ៉េប Reezy បានធ្វើការទំលាក់បទចម្រៀងថ្មីៗចំនួនបួនបទបន្តបន្ទាប់គ្នាពីក្នុង EP ចំណងជើងថា “ztill here” របស់លោក ដោយគិតត្រឹមរយៈពេលមួយខែនេះ។ នៅក្នុងនោះផងដែរ រួមមានបទចម្រៀង “Trust Issues”, “អេះអុញ”, “0xx”, និង“ztill here” ដែលបានចេញផ្សាយរួចមកហើយ។ កាលពីដើមខែមីនានេះ លោក Reezy បានរៀបរាប់អោយដឹងថានេះជា EP ដែលជាបំណែក «ស្នូលរឹង» នៃអាល់ប៊ុម ZHZZ របស់លោកដែលត្រូវបានជាប់គាំងតាំងពីចុងឆ្នាំ ២០២១មក។ ម្យ៉ាងវិញទៀតផងដែរ យោងទៅតាមការបង្ហោះរបស់លោក Reezy នៅលើបណ្តាញសង្គមហ្វេសប៊ុកកាលពីពេលថ្មីៗនេះក៏បានអោយដឹងថា លោក Reezyក៏មានគំរោងចេញបទចម្រៀងបន្ទាប់របស់លោកមួយបទទៀតផងដែរនៅចុងខែនេះ ដែលមានចំណងជើងថា«អរគុណ»។ កត់សម្គាល់ឃើញថានៅលើបទចម្រៀងរបស់លោកកន្លងមក លោក Reezy បានបង្ហាញភាពលេចធ្លោយ៉ាងខ្លាំងទៅលើរសជាតិខុសប្លែកគេនៃបទចម្រៀងរ៉េបរបស់លោក ដែលមានលក្ខណៈជា Punk Rock អមជាមួយនឹងខនសិបបែប Surreal Vibe ដែលកាន់តែធ្វើអោយ Hype ឡើងតាមរយៈស្ទាយល៍របស់លោក។ គួរបញ្ជាក់ផងដែរថាកាលពីឆ្នាំ២០២១កន្លងទៅ តារាចម្រៀងរ៉េបរូបនេះដែលគាំទ្រឡើងដោយក្រុមចម្រៀង KlapYahandz បានធ្វើអោយផ្ទុះចំនួនទស្សនាយ៉ាងច្រើននៅលើបទចម្រៀងមួយចំនួនរបស់លោកដូចជា«Unconditional» «សាធុ» និង«ZVIBEZ» ជាមួយនឹងលោក PeaceChong។ តើទស្សនិកជនចូលចិត្តរសជាតិនៃបទចម្រៀងលោក Reezy កម្រិតណា Let me know in your comment below!