កាលពីថ្ងៃទី៣ ខែមីនាកន្លងទៅនេះ តារារ៉េបប្រចាំក្រុមហ៊ុនតន្រ្តី ENation លោក Redkingបានបញ្ចេញបទរ៉េបថ្មីរបស់លោកប្រជុំជាមួយសិល្បករមកពីក្រុមហ៊ុនតន្រ្តីរួមគ្នាដែលរួមមានលោក Cloudee, Sean Loser, Yorn Ha, និង Nang Liger។ បទចម្រៀងមួយនេះដែរមានចំណងជើងថា«ដៃគូដៃកង់» ដែលជាបទរ៉េបមួយកាន់តែប្លែកទៀតហើយដែលមានលក្ខណៈស្រុកស្រែបែបខ្មែរ និងមានស៊កបញ្ចូលនូវឈ្មោះមុខម្ហូបខ្មែរ និងទឹកត្នោតជូររបស់ខ្មែរថែមទៀតផង។ គួររំលឹកផងដែរថាសមាជិក ENation Family តែងតែបានសហការគ្នាយ៉ាងល្អក្នុងការផលិតចម្រៀងរួមគ្នា ដែលកន្លងមកពួកគេបានធ្វើអោយទស្សនិកជនមានការភ្ញាក់ផ្អើល និងពេញចិត្តរួចមកហើយនៅលើបទចម្រៀងកក្រើករួមគ្នាមួយបទរបស់ពួកគេដែលមានចំណងជើងថា«ដើរយ៉ូកៗ»។
កត់សម្គាល់ឃើញផងដែរថាបទចម្រៀង«ដៃគូដៃកង់» នេះត្រូវបានចេញទន្ទឹមគ្នានឹងបទ«ខ្លាចហើយពាក្យថា១០ដុល្លាសិន» របស់លោក Redking ជាមួយនឹងលោក Sopheap មួយបទទៀតផងដែរ។ ការចេញផ្សាយបទ«ដៃគូដៃកង់» ដែលជាបទរ៉េបលាយនឹងភ្លេងបុរាណខ្មែរនេះទំនងជាបានអោយដឹងថានេះជាគំរោងនៃការចេញផ្សាយរបស់ពួកគេសំរាប់ឳកាសបុណ្យចូលឆ្នាំខ្មែរខាងមុខនេះ។ គួរបញ្ជាក់ផងដែរថាលោក Redking គឺជាសិល្បករមួយរូបដែលបានជ្រើសរើសជាបេក្ខភាពសំរាប់បោះឆ្នោតនៅក្នុងកម្មវិធី Pleng Music Awards ឆ្នាំ២០២៣ផ្នែក«សិល្បករ-សិល្បការិនីថ្មីប្រចាំឆ្នាំ» ថែមទៀតផងជាមួយនឹងលោក 1NE, Glomyy Vincent, Por Xeang, Vis និងកញ្ញា Tey។ តើទស្សនិកជនពេញចិត្តបទចម្រៀងថ្មីរបស់ពួកគេកម្រិតណា Let me know in your comment below!
