កាលពីល្ងាចថ្ងៃទី១១ ខែកក្កដាកន្លងទៅនេះ សមាជិកនៃក្រុម B-Side លោក Really Jing បានធ្វើការទំលាក់នូវ MV ផ្លូវការបទចម្រៀងមួយបទ ដែលមានចំណងជើងថា«Plastic Gun Boy» ពីក្នុងអាល់ប៊ុម Forest Boy របស់លោកដែលបានចេញផ្សាយកាលពី៣ខែមុន។គួរបញ្ជាក់ផងដែរថា អាល់ប៊ុម Forest Boy របស់លោកមានចំនួនសរុបទាំងអស់ ៥ បទ ដែលរួមមាន បទ«Plastic Gun Boy» «Forest Boy» «Ma Boy» «FAFA Boy» និង«Who are you boy» ដែលកត់សម្គាល់ឃើញថាសុទ្ធតែនិយាយទាក់ទងពីប្រភេទ Boy ទាំងអស់។ គួរអោយចាប់អារម្មណ៍ផងដែរ កាលពីពេលថ្មីៗនេះ នៅលើទំព័រហ្វេសប៊ុកផ្លូវការរបស់លោក Really Jing លោកទើបតែបានចែករំលែកនូវវិដេអូ Live Performance មួយយ៉ាង Lit នៃបទចំរៀង «Bad Mood» រួមគ្នាជាមួយនឹងបទ«Plastic Gun Boy» របស់លោកនេះ។
គួរបញ្ជាក់ផងដែរថា វិដេអូ Live Performance នេះគឺបានមកពីការសម្តែងរបស់លោកនៅក្នុងកម្មវិធី 4Real POPUP ដែលធ្វើឡើងនៅ Pub កំសាន្ត Bong Bong Bong កាលពីថ្ងៃទី០២ ខែមិថុនាកន្លងទៅនេះ។ ចំណែកការ Update ថ្មីពីដើមខែកក្កដានេះផងដែរ គឺក៏មានការប្រកាសឡើងជាផ្លូវការពីខាង Pleng Smart ថា នាពេលនេះសមាជិកទាំង៦នាក់របស់ក្រុម B-Side បានក្លាយខ្លួនជាសមាជិករបស់ក្រុម Pleng ដែរហើយ ដែលក្នុងនោះគឺរួមមានលោក Really Jing, លោក 2mdie, លោក Buubee, លោក Ah K, លោក Sane, និងលោក Scotty Darkness។ ដូច្នេះទស្សនិកជននាពេលនេះ ក៏អាចធ្វើការចាក់ស្តាប់បទចម្រៀងរបស់ក្រុម B-Side នៅលើកម្មវិធី Pleng របស់ Smart បានផងដែរ។
