កាលពីថ្ងៃទី០៨ ទី០៩ និងទី១០ ខែធ្នូកន្លងទៅនេះ នៅផ្សារទំនើបអ៊ីអនម៉លសែនសុខមានប្រារព្ធនូវកម្មវិធីព្រឹត្តិការណ៍ពិពណ៌រថយន្តដ៏ធំអស្ចារ្យមួយមានឈ្មោះថា Auto Show និងមានការអញ្ជើញចូលរួមសម្តែងការប្រគំតន្រ្តីពីសំណាក់ក្រុមបេក្ខភាពចូលរួមប្រកួតកម្មវិធី The Rapper Cambodia ល្បីៗជាច្រើននាក់ផងដែរ។
ដោយនេះគឺជាព្រឹត្តិការណ៍ពិពណ៌រថយន្តមួយ រួមសហការឡើងដោយ Cambodia Car Cultures រួមជាមួយនឹងផ្សារទំនើប Aeon និងក្រុមហ៊ុនស្រាបៀហនុមានផងដែរ ដែលព្រមទាំងមានការចូលរួមពីក្រុមហ៊ុនរថយន្តល្បីៗជាច្រើនដូចជា Race Spec , GWM Cambodia និង Time Square ជាដើម។
ជារួមនៅក្នុងព្រឹត្តិការណ៍នេះមានសកម្មភាពជាច្រើនដូចជាការតាំងពិពណ៌រថយន្តប្លែកៗរួមមានឡានស៊េរីថ្មីៗ, Supercar, JDM, Rally Off-Road, និងម៉ូតូធំប្លែកៗ ក៏ដូចជាជាមួយនឹងកម្មវិធីសប្បាយៗជាច្រើនទៀតរួមមានការប្រគំតន្រ្តី ការលេងហ្គេមកំសាន្ត ការចាប់រង្វាន់ និងកម្មវិធី Sexy Car Wash ជាដើម។ សង្កេតឃើញនៅក្នុងនោះផងដែរ បេក្ខភាព Rapper Cambodia របស់យើងដែលអញ្ជើញចូលរួមជាតារាកិត្តិយសរួមមានលោក GMENGZ, លោក Yuuhai, លោក Goofy, លោក Emi, លោក RAMI, និងលោក KAN ជាដើម។
យ៉ាងណាមិញនៅក្នុងកម្មវិធី The Rapper Cambodia វគ្គ Playoff Round សប្តាហ៍ចុងក្រោយនេះ មានបេក្ខភាពចំនួន៧រូបប៉ុណ្ណោះដែលឆ្លងផុតទៅវគ្គបន្ត ក្នុងនោះរួមមាន លោក Yuuhai, លោក Goofy, លោក RAMI, លោក BOBO, លោក ZEDES, លោក NIGHTEE, លោក G-ONE។ តើទស្សនិកជនមានចំណាប់យ៉ាងណាបន្ទាប់ពីចូលរួមកម្មវិធី Auto Show កាលពីសប្តាហ៍មុននេះ?
