ចំណែកឯអ្នកស្លាប់មានអាយុចាប់ពី ១៤ឆ្នាំ ដល់ ២៧ឆ្នាំ ក្នុងចំណោមមនុស្សប្រហែល 50,000នាក់ដែលបានចូលរួមកម្មវិធីនេះ។ពាក្យបណ្តឹងទាំងនេះរួមមានការចោទប្រកាន់ថា Scott និងលោក Drake ដែលបង្ហាញខ្លួនជាភ្ញៀវកិត្តិយសថា បានញុះញង់ឬជម្រុញឲ្យមានហ្វូងមនុស្ស ហើយអ្នករៀបចំការប្រគុំតន្ត្រី Live Nation ថា មិនបានផ្តល់នូវវិធានការសុវត្ថិភាពគ្រប់គ្រាន់។ហេតុការណ៍នេះបានចាប់ផ្តើមកើតឡើងនៅម៉ោងប្រហែល 21:15​ យប់ នៅថ្ងៃសុក្រ កាលពីសប្តាហ៍មុន ដែលមានការភ័យស្លន់ស្លោបានផ្ទុះឡើង នៅពេលដែលហ្វូងមនុស្សបានឆ្ពោះទៅមុខឆាកក្នុងអំឡុងពេលដែលលោក Scott បានបង្ហាញខ្លួន។

ក្នុងពេលដែលហ្វូងមនុស្សចាប់ផ្តើមចលាចលនិងដោយសារភាពចង្អៀតណែនទៅដោយអ្នកចូលរួមក្នុងកម្មពិធីប្រគុំតន្រ្តី Astroworld នេះផង ក៏បណ្តាលឲ្យមានការប៉ះទង្គិចគ្នាខ្លាំង នាំឲ្យដួលហើយត្រូវបានជាន់ពីលើ ដែលបណ្តាលឲ្យស្លាប់ ៨នាក់ និងមានរបួសរាប់រយនាក់។ បន្ទាប់ពីព្រឹត្តិការណ៍នោះលោកScottក៏បានសម្តែងការសោកស្តាយអំពីហេតុការណ៏ដែលបានកើតឡើងនេះនៅក្នុងវីដេអូ Instagramផងដែរ។ភរិយោរបស់លោក Kylie Jenner ក៏បានបញ្ជាក់ផងដែរថា យើងគេមិនបានដឹងពីការស្លាប់ណាមួយទេរហូតដល់មានព័ត៌មានលេចចេញមក។

Scott បានសន្យាថានឹងសងប្រាក់វិញសម្រាប់អ្នកចូលរួមពិធីបុណ្យទាំងអស់ ហើយបាននិយាយថាគាត់នឹងរ៉ាប់រងថ្លៃបុណ្យសពសម្រាប់គ្រួសារជនរងគ្រោះ។ សេចក្តីថ្លែងការណ៍មួយបាននិយាយថា "Travis នៅតែស្ថិតក្នុងការសន្ទនាសកម្មជាមួយទីក្រុង Houston លើការអនុវត្តច្បាប់ និងអ្នកឆ្លើយតបដំបូងក្នុងមូលដ្ឋាន ដើម្បីភ្ជាប់ទំនាក់ទំនងដោយគោរព និងសមរម្យជាមួយបុគ្គល និងក្រុមគ្រួសាររបស់អ្នកពាក់ព័ន្ធ។ ទាំងនេះគឺជាជំហានដំបូងក្នុងចំនោមជំហានជាច្រើនដែលTravisគ្រោងនឹងទទួលយកជាផ្នែកមួយនៃការប្តេជ្ញាផ្ទាល់ខ្លួនរបស់គាត់ក្នុងការជួយអ្នកដែលរងផលប៉ះពាល់ពេញមួយដំណើរការសោកសៅនេះ។

ជាដំបូង ប៉ូលីសកំពុងធ្វើការស៊ើបអង្កេតទៅលើហេតុការណ៍នេះ និងបានរកឃើញថា មានការលេងថ្នាំលើសចំណុះកើតឡើងក្នុងកម្មពិធីនេះ និងកំពុងស្វែងរកភស្តុតាងផ្សេងៗ។ ជាចុងក្រោយ ប្រសិនបើបងប្អូនចូលរួមកម្មពីធីណាមួយ ចូរប្រុងប្រយ័ត្ន និងរក្សាគម្លាតឲ្យបានត្រឹមត្រូវ ដើម្បីកុំឲ្យមានហេតុការណ៍ដូចនេះកើតឡើង។ ព្រោះប្រទេសយើង ធ្លាប់មានហេតុការណ៍ជាន់គ្នាដ៏ធំម្តងរួចមកហើយ កាលពីឆ្នាំ២០១០ ក្នុងពីធីបុណ្យអុំទូក៕
អត្តបទដកស្រង់ពី CNN