កាលពីថ្ងៃទី០៤ ខែកុម្ភៈកន្លងទៅនេះ ម្ចាស់បទចម្រៀងដ៏ល្បីកក្រើក«No Problem» បានធ្វើការទំលាក់បទចម្រៀងថ្មីមួយបទទៀតហើយមានចំណងជើងថា«BOOMBASTUY»។ គួរបញ្ជាក់ផងដែរនៅពេលបទចម្រៀងនេះចេញភ្លាម ក៏ត្រូវបានចែករំលែកដំណឹងចេញផ្សាយនៅលើបណ្តាញសង្គម Tik Tok ដោយលោករក្សាផ្ទាល់ដើម្បីបង្កើនវិសាលភាពនៃការទទួលយកតន្រ្តីពីសំណាក់អ្នកស្តាប់នៅកម្ពុជា។ ទាក់ទងទៅលើការចេញផ្សាយបទចម្រៀងរបស់លោករក្សាផងដែរសង្កេតឃើញថាមានភាពសកម្មណាស់ ដែលបទនីមួយៗត្រូវបានផលិតនិងចេញផ្សាយប្រកៀកគ្នាតែម្តង។ 

ដោយឡែកបទចម្រៀងនេះផងដែរក៏កំពុងតែវាយលុកចំណាប់អារម្មណ៍អ្នកស្តាប់ដូចគ្នាតាមរយៈតន្រ្តីចង្វាក់ Jersey Club របស់លោកដែលមានភាពខ្ទររងំនិងពិរោះមួយបែប បូករួមនឹងអត្ថន័យនិងបទភ្លេងយ៉ាងស្ទាវកប់ រួមបញ្ចូលជាមួយនឹងភាពច្នៃប្រឌិតនៃខនសិបនៃបទចម្រៀង។ បណ្តាអ្នកគាំទ្ររបស់លោករក្សាផ្ទាល់ក៏បានលាន់មាត់សរសើរបទចម្រៀងលោកមិនដាច់ពីមាត់ថាមួយៗចេញផ្សាយមកខ្លឹមតែម្តង មិនថារសជាតិអ្វីក៏ដោយ បើស្ទាវគឺដឹងតែស្ទាវ បើល្មមគឺដឹងតែល្មម មិនលំៗលេងៗទេ។ ជាក់ស្តែងនៅលើបទចម្រៀងមួយនេះផ្ទាល់ លោករក្សាបានលេងប៉ារ៉ូលស្ទាវយ៉ាងជះដៃតែម្តង ដុតបំពក់អារម្មណ៍អ្នកស្តាប់អោយកាន់តែចូលចិត្តតន្រ្តីហ៊ីបហប់កាន់តែខ្លាំងឡើង។តើទស្សនិកជនទាំងអស់គ្នាពេញចិត្តបទថ្មីរបស់លោករក្សាដែររឺទេ? Let me know in your comment below!