ស៊ូដង់ធ្លាក់ទៅក្នុងកណ្ដាប់ដៃរបស់អារ៉ាប់រួម និងកងកម្លាំងគាំទ្ររហ័សដើម្បីឡោមព័ទ្ធអេហ្ស៊ីបពីភាគខាងត្បូង។ អ៊ីស្រាអែលគ្រោងនឹងវាយលុកទីក្រុង Rafah និងផ្លាស់ទីប្រជាជនប៉ាឡេស្ទីននៅតំបន់ស៊ីណៃ! អារ៉ាប់រួមបញ្ឆេះស៊ូដង់អោយកៀបអេហ្ស៊ីបពីភាគខាងត្បូងដើម្បីសំរបតាមផែនការរបស់អ៊ីស្រាអែលនៅតំបន់ហ្គាហ្សា! កងកម្លាំងគាំទ្ររហ័សកំពុងស្ថិតនៅទីក្រុង Sennar បន្ទាប់ពីការដួលរលំនៃរដ្ឋ Al-Jazira ដែលជារដ្ឋយុទ្ធសាស្រ្ត និងសំបូរដោយដីមានជីជាតិ។ ព្រំដែនរបស់ប្រទេសអេហ្ស៊ីបកំពុងស្ថិតនៅក្រោមការឡោមព័ទ្ធមកពីគ្រប់ទិស! តើអេហ្ស៊ីបនឹងធ្វើយ៉ាងណាប្រសិនបើកងកម្លាំងគាំទ្ររហ័សឈានទៅកាន់ព្រំដែនភាគខាងត្បូងរបស់អេហ្ស៊ីប?
-
សមរភូមិដែលអាចផ្តួលរលំក្រុមហាម៉ាស
យោងតាមសារព័ត៌មាន Maariv ចុះផ្សាយថ្ងៃទី២៤ ខែធ្នូបានអោយដឹងថា ការដណ្តើមកាន់កាប់ទីក្រុង Rafah គឺមិនដូចគ្នាទៅនឹងតំបន់ផ្សេងទៀតដែលកងកម្លាំង IDF ធ្លាប់បានកាន់កាប់កន្លងមកនោះទេ ហើយការដណ្តើមបានទីក្រុងនេះដែរក៏អាចជាកត្តាសំខាន់មួយដែលអាចធ្វើអោយធ្លាក់ចុះសមត្ថភាពរបស់ក្រុមហាម៉ាស។
ដោយសារហ្គាហ្សាត្រូវបានរារាំងពីគ្រប់ទិសទីគឺនៅភាគឦសាន និងខាងលិច ដោយកងទ័ពជើងទឹករបស់អ៊ីស្រាអែល ការរត់ពន្ធទាំងអស់ចូលទៅកាន់តំបន់នេះចាំបាច់ត្រូវឆ្លងកាត់ពីភាគខាងត្បូងតាមរយៈព្រំដែនអេហ្ស៊ីប។
កប៉ាល់ពីអ៊ីរ៉ង់បានដាក់អាវុធនៅស៊ូដង់ ដែលជាសម្ព័ន្ធមិត្តគាំទ្រភេរវកម្មរបស់អ៊ីរ៉ង់។ ពីប្រទេសស៊ូដង់ អាវុធត្រូវបានរត់ពន្ធពីភាគខាងជើងតាមរយៈអេហ្ស៊ីបទៅកាន់ស៊ីណៃ។
ម្ល៉ោះហើយគ្មានអ្វីសង្ស័យទេដែលថាការរស់នៅរបស់ប្រជាជនក្នុងតំបន់នឹងធ្វើឱ្យមានការលំបាកសម្រាប់ប្រតិបត្តិការរបស់កងកម្លាំង IDF។ ដូច្នេះដើម្បីដណ្តើមកាន់កាប់ទីក្រុង Rafah នោះ IDF នឹងត្រូវបង្ខំឱ្យប្រជាជនផ្លាស់ទីទៅកាន់ភាគខាងជើង។ យ៉ាងណាមិញសូម្បីតែសំណើរផ្លាស់ទីប្រជាជនទៅកាន់ភាគខាងត្បូងឆ្ពោះទៅតំបន់ស៊ីណៃ ក៏ត្រូវបានបដិសេធម្តងហើយម្តងទៀតដោយប្រធានាធិបតីអេហ្ស៊ីបផងដែរ។
-
អ៊ីរ៉ង់វាយប្រហារកប៉ាល់អ៊ីស្រាអែលនៅសមុទ្រឥណ្ឌា
យោងតាមសារព័ត៌មាន 13TV របស់អ៊ីស្រាអែលចុះផ្សាយថ្ងៃទី២៣ ខែធ្នូបានអោយដឹងថា កប៉ាល់ជំនួញមួយគ្រឿងដែលមានទំនាក់ទំនងនឹងអ៊ីស្រាអែល ត្រូវបានវាយប្រហារកាលពីថ្ងៃថ្ងៃសៅរ៍កន្លងទៅនេះ ដោយដ្រូន UAV នៅក្បែរឆ្នេរសមុទ្រប្រទេសឥណ្ឌា នេះបើតាមទីភ្នាក់ងារសារព័ត៌មាន Reuters បានអោតដឹងឡើង។ ក្រោយពេលកើតហេតុ ក៏បានផ្ទុះឡើងនូវអគ្គិភ័យឆាបឆេះកុងតឺន័រមានផ្ទុកសារធាតុគីមីនោះ។ អគ្គិភ័យត្រូវបានពន្លត់បានយ៉ាងឆាប់រហ័ស ដោយមិនមានអ្នករងរបួសឡើយ។ ដោយកងទ័ពជើងទឹកឥណ្ឌាក៏បានបញ្ចេញសកម្មភាពឆ្លើយតបភ្លាមៗទៅនឹងការវាយប្រហារនេះ ប៉ុន្តែមិនបានបញ្ជាក់ថាត្រូវបានឆ្លើយតបដោយរបៀបណានោះទេ។ តាមការប៉ាន់ប្រមាណ ដ្រូន UAV នេះត្រូវបានបាញ់ចេញពីប្រទេសអ៊ីរ៉ង់។
-
អ៊ីរ៉ង់គំរាមបិទសមុទ្រមេឌីទែរ៉ាណេ
យោងតាមសារព័ត៌មាន Reuters ចុះផ្សាយថ្ងៃទី២៣ ខែធ្នូបានអោយដឹងថា មេបញ្ជាការរងនៃកងឆ្មាំបដិវត្តន៍ លោក Mohammad Reza Naqdi បានគំរាមថា អ៊ីរ៉ង់នឹងបិទសមុទ្រមេឌីទែរ៉ាណេ ប្រសិនបើសហរដ្ឋអាមេរិក និងអ៊ីស្រាអែលបន្តប្រព្រឹត្ត"ឧក្រិដ្ឋកម្មនៅតំបន់ហ្គាហ្សា"។ មន្ត្រីអ៊ីរ៉ង់បាននិយាយថា "ពួកគេអាចសំលឹងមើលឃើញពីការបិទសមុទ្រមេឌីទែរ៉ាណេ ច្រកសមុទ្រ Gibraltar និងផ្លូវសមុទ្រផ្សេងទៀតក្នុងពេលឆាប់ៗនេះ" ដោយមិនបានបញ្ជាក់ប្រាប់ថានឹងត្រូវបិទដោយរបៀបណានោះទេ។
ដោយសារតែអ៊ីរ៉ង់មិនមានសិទ្ធិចូលទៅកាន់សមុទ្រមេឌីទែរ៉ាណេដោយផ្ទាល់ នោះទើបគឺមិនច្បាស់ថាតើឆ្មាំបដិវត្តន៍នឹងអាចព្យាយាមបិទសមុទ្រមេឌីទែរ៉ាណេដោយរបៀបណានោះទេ។ នៅក្នុងពាក្យរបស់លោក Naqdi បានអោយដឹងថា "កំណើតនៃកម្លាំងប្រឆាំងថ្មីនឹងអាចនាំទៅរកការបិទផ្លូវទឹកបន្ថែមទៀត" ។
ក្រុមតែមួយគត់ដែលគាំទ្រដោយអ៊ីរ៉ង់នៅសមុទ្រមេឌីទែរ៉ាណេគឺជាក្រុមហេសបូឡារបស់លីបង់ និងកងជីវពលសម្ព័ន្ធមិត្តនៅក្នុងប្រទេសស៊ីរី នៅឯចុងសមុទ្រពីតំបន់ Gibraltar ។
