RFI-

បារាំងបានផ្តល់អាវុធបំពាក់ទៅលើនាវាផ្ទុកយន្តហោះឥណ្ឌា ដោយបន្ថែមយន្តហោះប្រយុទ្ធទំនើប Rafael ដែលមើលទៅហាក់ដូចជាខិតខំពង្រឹងនូវទំនាក់ទំនងយោធាជាមួយសម្ព័ន្ធមិត្ត បន្ទាប់ពីអូស្ត្រាលីបានបដិសេធនូវកិច្ចព្រមព្រៀងនាវាមុជទឹកដោយសារតែការព្រួយបារម្ភចំពោះការរះឡើងឥទ្ធិពលចិននៅក្នុងសមុទ្ទ។ ទស្សនកិច្ចទ្វេរភាគីនៅក្នុងសប្តាហ៍ថ្មីៗនេះ ក្នុងការលើកកំពស់ដើម្បីឲ្យស៊ីសង្វាក់ផលិតកម្មយោធាក៏ដូចជាធ្វើឲ្យមានមុខមាត់ឡើងវិញនូវផលប្រយោជន៍របស់បារាំងក្នុងនាមជាប្រទេសដែលនាំចេញធំជាងគេលំដាប់ទី២ផ្នែកសព្វាវុធក្នុងពិភពលោក។

“ឥណ្ឌានិងចិនគឺជាទីផ្សារដ៏ធំ ប៉ុន្តែចាប់តាំងពីចិនមិនបានទិញ ឥណ្ឌាបានក្លាយទៅជាផ្នែកមួយសំខាន់សំរាប់បារាំង” Anil Chopra អគ្គនាយកនៃក្រុមស្រាវជ្រាវនៃមជ្ឍមណ្ឌលសិក្សារអំពីកំលាំងដែនអាកាសយោធាឥណ្ឌា បាននិយាយ។” ដូច្នេះបារាំងចង់បានបេះដូងយើង ចង់ឲ្យអ្នកនយោបាយនិងយោធារបស់យើង ដើម្បីលក់យន្តហោះរបស់គេនិងយុទ្ធោបករណ៍របស់គេដល់យើង ពីព្រោះនៅទីចុងក្រោយកងទ័ពអាកាសឥណ្ឌាមិនមែនត្រូវការ Rafael តែ៣៦គ្រឿងប៉ុណ្ណោះទេ “។ Chopra ប្រាប់ RFI ។

បារាំងបានបញ្ជូន៣៣គ្រឿងនៃ៣៦គ្រឿងយន្តហោះ Rafael នៅក្នុងកិច្ចព្រមព្រៀងកាលពីឆ្នាំ២០១៦ ដែលមានតម្លៃ៧ពាន់លានអឺរ៉ូ និងរដ្ឋមន្ត្រីក្រសួងការពារជាតិបារាំងលោក Florence Parly នៅក្នុងដំណើរទស្សនកិច្ចថ្មីៗនេះ បានសង្ឃឹមថានឹងលក់បន្ថែមទៀតនូវយន្តហោះដែលផលិតដើម្បីតម្រូវសំរាប់នាវាផ្ទុកយន្តហោះឥណ្ឌាថ្មីដែលកំពុងធ្វើការសាកល្បងនៅក្នុងសមុទ្ទ។ "យើងសង្ឃឹមថា នាវាផ្ទុកយន្តហោះនឹងស្ថិតនៅក្នុងទីនោះឆាប់ៗនេះ" Parly បាននិយាយនៅក្នុងដំណើរទស្សនកិច្ចជាលើកទី២ក្នុងរយៈពេល១៥ខែទៀត ខណៈដែលឥណ្ឌាបានប្រកាសដាច់ដោយឡែកអំពីផែនការផលិតកម្មយោធារួមគ្នានៃម៉ាស៊ីនយន្តហោះបារាំង។

ក្នុងឆ្នាំ២០១៧ ឥណ្ឌាបានមានផែនការទិញយន្តហោះ១២៦គ្រឿង ប៉ុន្តែបានបន្ថយចុះមកត្រឹម៣៦គ្រឿងហើយបារាំងត្រូវបានជ្រើសរើសជាអ្នកផ្គត់ផ្គង់។ អ្នកវិភាគ Chopra បានផ្តល់នូវទឡ្ហីករណ៍ថាយ៉ាងហោចណាស់ឥណ្ឌាត្រូវការ យន្តហោះ Rafael ៣៦គ្រឿងបន្ថែមទៀតដើម្បីទប់ទល់នឹងការប្រឈមទៅនឹងការគំរាមកំហែងតាមព្រំដែនជាមួយនឹងចិននិងប៉ាគីស្ថាន។