Nationalpost-Moscow

ប្រធានាធិបតីរុស្សី Vladimir Puti និងប្រធានាធិបតីចិន Xi Jing Ping នឹងពិភាក្សាគ្នាអំពីភាពតានតឹងនៅអឺរ៉ុប និងសំនួនវោហារសាស្ត្រក្នុងការឈ្លានពានរបស់អាមេរិកនិង NATO ក្នុងអម្លុងពេលការសន្ទនាតាមវីឌីអូកាលពីថ្ងៃពុធ, វិមានក្រឹមឡាំងបាននិយាយ។ ការសន្ទនានេះបានកើតឡើងចំពេលដែលមានភាពតានតឹងនៃទំនាក់ទំនងប្រទេសទាំង២ជាមួយ និងបស្ចឹមប្រទេស, ខណៈដែលក្រុងប៉េកាំងកំពុងស្ថិតនៅក្រោមសម្ពាធលើរឿងសិទ្ធមនុស្ស និងទីក្រុងមូស្គូលើរឿងប្រមូលផ្តុំកងទ័ពនៅជិតព្រំប្រទល់អ៊ុយក្រែន។

“ស្ថានការណ៍នៅក្នុងកិច្ចការអន្តរជាតិ ជាពិសេសនៅក្នុងទ្វីបអឺរ៉ុប កំពុងតែឡើងកំដៅ និងតានតឹងមែនទែន និងតម្រូវការឲ្យមានការជជែកគ្នាជាមួយសម្ព័ន្ធមិត្ត” អ្នកនាំពាក្យវិមានក្រឹមឡាំង Dmitry Peskov បាននិយាយយោងទៅរកចិន និងរុស្សី។ “យើងមើលឃើញសំនួនវោហារសាស្ត្រដែលប្រកបទៅដោយការឈ្លានពានខ្លាំងក្លាមែនទែន មកពីខាង NATO និងអាមេរិក អញ្ចឹងរឿងនេះទាមទារឲ្យមានការជជែកគ្នារវាងយើងហើយ និងចិន” ។ រុស្សីបានខិតខំសាបព្រួសនូវទំនាក់ទំនងយ៉ាងជិតស្និទ្ធជាមួយចិន ខណៈដែលទំនាក់ទំនងរបស់ខ្លួន និងបស្ចឹមប្រទេសមានភាពអាក្រក់អាក្រី ហើយ Putin បានប្រើប្រាស់ភាពជាដៃគូរដើម្បីជាមធ្យោបាយមួយឲ្យមានតុល្យភាពទៅនឹងឥទ្ធិពលរបស់អាមេរិកក្នុងការទទួលបាននូវទំនាក់ទំនងដែលមានប្រយោជន៍។

Peskov បាននិយាយថា ពួកគេនឹងសន្ទនាក្នុងរយៈពេលវែង ជាមួយនិងរបៀបវារះដ៏ទូលំទូលាយរួមបញ្ចូលទាំងរឿង ឋាមពល, ពាណិជ្ជកម្ម និងការវិនិយោគ។ ការសន្ទនារបស់ពួកគេបានកើតឡើង៨ថ្ងៃ បន្ទាប់ពីមានការសន្ទនាតាមវីឌីអូ ដែលលោកប្រធានាធិបតី Joe-Biden បានព្រមានលោកប្រធានាធិបតី Vladimir Putin ប្រឆាំងទៅនឹងការឈ្លានពានអ៊ុយក្រែន ហើយ Putin បានប្រាប់ Biden វិញថា លោកត្រូវការឲ្យមានការធានាសន្តិសុខតាមផ្លូវច្បាប់ពីក្រុមបស្ចឺមប្រទេស។

ទាំងរុស្សីនិងចិនមានការស្រងាកចិត្តចំពោះអ្វីដែលគេបានមើលឃើញថា ទីក្រុងវ៉ាស៊ិនតោនមិនចង់ដោះស្រាយរឿងនៅក្នុងតំបន់របស់ពួកគេ។ Putin បានបញ្ជាក់ពីការព្រួយបារម្ភពីអ្វីដែលលោកមើលឃើញថា NATO កំពុងកសាងកំលាំងនៅជិតព្រំប្រទល់របស់ខ្លួន ខណៈដែលរដ្ឋាភិបាល លោក Xi បានព្រមានថាអាមេរិកមិនត្រូវចូលមកពាក់ព័ន្ធនឹងជម្លោះផ្ទៃក្នុងរបស់ខ្លួនជាមួយតៃវ៉ាន់នោះទេ៕