FoXnews-

មិនត្រូវមានអារម្មណ៍មិននឹងនរដោយសារការប្រកាសរបស់រុស្សីកាលពីថ្ងៃអាទិត្យនៃការដកទ័ពចេញពីព្រំប្រទល់អ៊ុយក្រែន។ វាអាចបង្ហាញឲ្យឃើញថាក្រុងមូស្គូកំពុងផ្តល់សញ្ញាមុនពេលដែលមានការប្រកាសអំពីការជួបជជែកគ្នានៅដើមឆ្នាំក្រោយរវាងរុស្សី-អាមេរិក, ដែលធ្វើឲ្យមានការពេញចិត្តពេញថ្លើមដោយសារតែវិធីសាស្ត្រការទូតដើម្បីដោះស្រាយការជាប់គាំងបច្ចុប្បន្នជាមួយអាមេរិកនិង NATO លើបញ្ហាអ៊ុយក្រែន។ ប៉ុន្តែរឿងទាំងអស់នេះទំនងមើលទៅវាហាក់ដូចជាឧបាយកល។

ឱកាសគឺមាន៥០% ដែល Putin នឹងវាយប្រហារអ៊ុយក្រែននៅប៉ុន្មានអាទិត្យខាងមុខនេះ, ដោយមិននិយាយអំពីលទ្ធផលនៃការប្រជុំជាបន្តបន្ទាប់រវាងក្រុងមូស្គូនិងក្រុងវ៉ាស៊ិនតោនដែលមានគំរោងនឹងធ្វើឡើងពីថ្ងៃទី១០-១៣ខែមករា។ ការដកទ័ពចំនួន១០,០០០នាក់ ចេញពីក្នុងតំបន់វាមានទំនងជាការពង្រាយទ័ពឡើងវិញ ច្រើនជាងការដកទ័ពពិតប្រាកដ ហើយវាមានផលតិចតួចក្នុងការបន្ថយនូវលក្ខ័ណក្នុងការត្រៀមប្រយុទ្ធដែលរុស្សីបានប្រុងប្រៀបរួចទៅហើយ។ Putin បានប្រមូលផ្តុំកងទ័ពប្រហែល ១៧៥,០០០នាក់ និងគ្រឿងសព្វាវុធដ៏គួរឲ្យខ្លាចនៅក្នុងទីនោះ។

តាមរយៈការប្រើប្រាស់សង្រ្គាមសំនួនវោហារសាស្ត្រម្តងក្តៅម្តងត្រជាក់ និងមានការប្រែប្រួលនូវស្ថានការណ៍, Putin បានស្វែងរកការធ្វើឲ្យទីក្រុង វ៉ាស៊ិនតោនមានការច្របូកច្របល់អំពីគោលបំណងពិតប្រាកដរបស់លោក ដើម្បីឲ្យបានទទួលជោគជ័យក្នុងតាក់ទិកធ្វើឲ្យមានការភ្ញាក់ផ្អើលនៅពេលដែលលោកបើកការវាយប្រហារ។ មេដឹកនាំអត្តាធិបតេយ្យរុស្សី បានផ្តល់នូវការវិនិច្ឆ័យក្នុងការវាយប្រហារទៅលើអ៊ុយក្រែនក្នុងអម្លុងពេលដែលលោកបានថ្លែងសុន្ទរកថាទៅកាន់ក្រសួងការពារប្រទេសនិងការធ្វើសន្និសីទកាសែត៤ម៉ោងរបស់លោក កាលពីអាទិត្យមុន។

សមាជិកនៃគណៈរដ្ឋមន្ត្រីរបស់លោកបានឆ្លុះបញ្ចាំងពីភាពល្មោភសង្រ្គាមរបស់ Putin ចាប់តាំងពីពេលនោះមក។ Putin ទំនងជាធ្វើការគណនាថាការប្រថុយប្រថានក្នុងការចាប់យកភាគខាងកើតនៃអ៊ុយក្រែនដែលឥឡូវនេះវាហាក់ដូចជាតិចតួចពេក ក្នុងខណៈដែលBiden កំពុងតែជាប្រធានាធិបតី និងអ៊ុយក្រែនមិនទាន់ក្លាយទៅជាសមាជិក NATO ។ នៅក្នុងសេចក្តីថ្លែងការណ៍ថ្មីៗនេះ Putin បានចង្អុលបង្ហាញអំពីការខ្វាយខ្វល់អ៊ុយក្រែនទទួលយកប្រព័ន្ធអាវុធវាយលុករបស់ NATO ហើយបើសិនជាអ៊ុយក្រែនក្លាយទៅជាសមាជិកមួយនៃសម្ព័ន្ធមិត្ត  ដែលជាលទ្ធផលមួយដែលមើលឃើញថាជាការគំរាមកំហែងដែលមិនអាចទទួលយកបានចំពោះសន្តិសុខរុស្សី។