CNA-

លោកប្រធានាធិបតី Vladimir Putin បាននិយាយកាលពីថ្ងៃអង្គារ៍ថា រុស្សីគ្មានកន្លែងនឹងដកថយទេ ក្នុងការប្រឈមនឹងភាពទាល់ច្រកជាមួយសហរដ្ឋអាមេរិកលើបញ្ហាអ៊ុយក្រែន ហើយអាចនឹងត្រូវបង្ខំចិត្តឲ្យឆ្លើយតបដោយស្វិតស្វាញ លុះត្រាតែបស្ចឹមប្រទេសទម្លាក់ចោលនូវ "នយោបាយឈ្លានពានរបស់ខ្លួន" Putin បានថ្លែងទៅកាន់មន្ត្រីយោធា ខណៈដែលរុស្សីបានកៀបសង្កត់ឲ្យ NATO និងអាមេរិកឆ្លើយតបជាបន្ទាន់ទៅនឹងសំណើរដែលខ្លួនបានស្នើរកាលពីសប្តាហ៍មុន នូវសំណើរដែលច្របាច់បញ្ចូលគ្នាពីការធានានូវសន្តិសុខពីក្រុមបស្ចឹមប្រទេស។ 

“អ្វីដែលសហរដ្ឋអាមេរិកកំពុងធ្វើគឺស្ថិតនៅមាត់ទ្វារផ្ទះយើង …ហើយពួកគេគួរតែយល់ថាយើងគ្មានកន្លែងដែលត្រូវដកថយនោះទេ តើពួកគេគិតថាយើងនឹងឈរអោបដៃមើលឬយ៉ាងណា?” Putin និយាយ “បើសិនជាបន្ទាត់នៃការឈ្លានពានរបស់សហសេវិកលោកខាងលិចរបស់យើងនៅតែបន្ត, យើងនឹងចាត់វិធានការណ៍ឆ្លើយតបដោយបច្ចេកទេសយោធាយ៉ាងខ្លាំងក្លា និងឈានទៅដល់ជំហ៊ានមួយដែលអមិត្ត”។

Putin មិនបាននិយាយអំពីប្រភទនៃវិធានការណ៍នោះទេ ប៉ុន្តែឃ្លាប្រយោគរបស់លោកបានឆ្លុះបញ្ចាំងនូវពាក្យសំដីដែលប្រើប្រាស់កាលពីលើកមុនដោយលោកអនុរដ្ឋមន្ត្រីក្រសួងការបរទេស Sergei Ryabkov ដែលធ្លាប់បានព្រមានថា រុស្សីនឹងដាក់ពង្រាយឡើងវិញ មីស៊ីលរង្វង់ប្រតិបត្តិការមធ្យមក្នុងទ្វីបអឺរ៉ុបក្នុងការឆ្លើយតបទៅនឹងអ្វីដែលខ្លួនបានឃើញថា NATO ក៏មានផែនការធ្វើដូចគ្នានេះដែរ។

រុស្សីបានច្រានចោលនូវការចោទប្រកាន់របស់អ៊ុយក្រែន និងអាមេរិកបថា ខ្លួនកំពុងរៀបចំការឈ្លានពានទៅលើអ៊ុយក្រែននៅដើមខែក្រោយ ជាមួយនឹងកម្លាំងទ័ពរាប់សែននាក់ ដែលកំពុងតែស្ថិតនៅតាមព្រំប្រទល់។ រុស្សីបាននិយាយទៀតថា គេត្រូវការនូវអំណះអំណាងពីលោកខាងលិច រួមបញ្ចូលទាំងការសន្យាមួយដែលនឹងមិនធ្វើសកម្មភាព NATO នៅក្នុងអឺរ៉ុបខាងកើត ពីព្រោះសន្តិសុខរបស់ខ្លួនត្រូវបានគំរាមកំហែងដោយការលូតលាស់នៃទំនាក់ទំនងរវាងអ៊ុយក្រែន និងសម្ព័ន្ធមិត្តបស្ចឺមប្រទេស ហើយនិងលទ្ធភាពនៃការដាក់ពង្រាយមីស៊ីលរបស់ NATO ប្រឆាំងនឹងខ្លួននៅក្នុងទឹកដីអ៊ុយក្រែន។ ខណៈដែលមហាអំណាចលោកខាងលិចបានបង្ហាញនូវភាពរឹងមាំរបស់គេក្នុងកាគាំទ្រអ៊ុយក្រែននិង NATO លោកអធិការបតីថ្មី អាល្លឺម៉ង់ម Olaf Schoal ក៏បានសន្ទនាជាមួយលោក Putin តាមទូស័ព្ទផងដែរ៕