កាលពីថ្ងៃទី១៦ ខែកុម្ភៈកន្លងទៅនេះ លោកកៅពន្លឺនៃក្រុមក្មេងខ្មែរបានធ្វើការទំលាក់បទចម្រៀងថ្មីមួយបទក្រោមចំណងជើងថា “ស្តេចពិត” រឺហៅថា “The Real King” នៅលើឆាណែលយូធូបផ្លូវការរបស់លោក។ គួរបញ្ជាក់ផងដែរថានេះគឺជាបទចម្រៀងទី១ហើយបន្ទាប់ពីចេញផ្សាយបទចម្រៀង«ទាហានប៉ារ៉ា»របស់លោកជាមួយនឹងលោកជាសុជាតិកាលពីដើមខែវិច្ឆិកា ឆ្នាំ២០២២កន្លងទៅនេះ។ 

គិតមកត្រឹមរយៈពេល១៧ម៉ោងប៉ុណ្ណោះ បទចម្រៀងនេះក៏ទទួលបានការស្តាប់ពេញនិយមដូចគ្នាចំណាត់ថ្នាក់លេខរៀងទី១៧នៅលើតារាងយូធូបកម្ពុជានាំមុខបទចម្រៀង«BulletProof»របស់លោកជីដេវីត និង«កាលបានរាំ»របស់លោកនីកូដែលបានចេញផ្សាយកាលពីមួយសប្តាហ៍មុន និងមានចំនួនអ្នកចុចឡាចនៅលើហ្វេសប៊ុករហូតដល់៥មឺុននាក់ទៅហើយបង្ហាញថាក្មេងខ្មែរទទួលបានគាំទ្រស្រលាញ់និងចូលចិត្តដ៏ច្រើនលើសលប់មិនថាទោះបីជាពួកគេឃ្លាពីសិល្បៈនិងត្រលប់មកវិញជាច្រើនលើកជាច្រើនសា។ 

កត់សម្គាល់ឃើញថាក្រោយពេលចេញផ្សាយបទចម្រៀងនេះភ្លាមបណ្តាអ្នកគាំទ្ររបស់លោកជាច្រើននាក់បានបង្ហាញអារម្មណ៍ពេញចិត្តបទចម្រៀងមួយនេះជាខ្លាំងដូចជាបានលើកឡើងថា«Khmeng Khmer is the real king! They are the ones who inspired The Hip-Hop and R&B in the kingdom. Nature Lyric, Real life experience expression, Motivation & More»។ ចុះទស្សនិកជនទាំងអស់គ្នាវិញតើអ្នកចម្រៀង Hip Hop មួយរូបណាសក្តិសមជាអាយដលក្នុងចិត្តរបស់អ្នក? Let me know in your comment below!