ការវះកាត់កែសម្ផស្សតែងតែជាប្រធានបទទូទៅសំរាប់ដួងតារានៅក្នុងពិភព Superstar មិនថាជាតារាក្នុងតំបន់អាស៊ី រឺជុំវិញពិភពលោក។ យ៉ាងណាមិញតួសម្តែងប្រុសលំដាប់ Top Grade យើងវិញ Pros Khouch ក៏កំពុងតែក្លាយជាប្រធានបទចំណីមាត់ដែលមជ្ឈដ្ឋានក្នុងរង្វង់សិល្បៈ និងដួងតារាកំពុងចង់ដឹង ពាក់ព័ន្ធនឹងរឿងរ៉ាវវះកាត់កែសម្ផស្សរបស់លោក។
សង្កេតឃើញថាមានទស្សនិកជនមួយចំនួនធំកំពុងផ្ទុះការចាប់អារម្មណ៍ឡើងថា តើ Pros Khouch ពិតជាទទួលបានមុខមាត់ស្រស់សង្ហាបែបនេះពីការវះកាត់កែសម្ផស្សត្រង់ចំណុចណាខ្លះ រឺមួយលោកមានផ្ទៃមុខស្រស់សង្ហាបែបនេះពីធម្មជាតិស្ទើរតែទាំងស្រុងហើយ? កាលពីពេលថ្មីៗនេះផងដែរ ក៏មានមតិសារព័ត៌មានមួយចំនួនបានជជីកគគាស់កកាយជុំវិញរឿងរ៉ាវសំរស់របស់លោក តែមិនបានចូលដល់រឿងរ៉ាវស៊ីជំរៅដល់ប្រភពការពិតនោះទេ។
ដូចនេះ Red Entertainment បានស្វែងរកការពិតបន្ថែមទៀតដោយផ្អែកលើការ Live មួយចេញពីប្រភព Pros Khouch ផ្ទាល់។ Pros Khouch បានអោយដឹងថា មុខមាត់របស់លោកដើមឡើយគឺមិនខុសប្លែកច្រើនពីពេលលោកឥលូវនេះទេ ព្រោះលោកត្រឹមកែតែច្រមុះប៉ុណ្ណោះ។
លោកបានចាក់ Filler បំពេញចំនុចខ្វះខាតនៅលើផ្ទៃមុខដូចជាត្រឹមត្រង់ច្រមុះ និងចង្កាប៉ុណ្ណោះកាលពីរយៈពេល១០ឆ្នាំមុន។ បន្ទាប់មកកាលពីឆ្នាំមុន លោកក៏បានសំរេចចិត្តទៅពិនិត្យសុខភាពផ្ទៃមុខនៅឯវៀតណាម ដោយលោកជឿថាការចាក់បំពេញ Filler លើផ្ទៃមុខកាលពី១០ឆ្នាំមុននោះ មិនមែនជា Filler សុទ្ធនោះទេ អាចជាស៊ីលីកូល។
ដូច្នេះហើយលោកក៏បានអោយគ្រូពេទ្យវៀតណាមយក Filler មិនសុទ្ធនោះចេញពីច្រមុះរបស់លោក និងជំនួសមកវិញដោយការកែកន់ច្រមុះតិចតួច។ Pros Khouch ក៏បានបញ្ជាក់ទៀតថាលោកក៏បានពិគ្រោះជាមួយគ្រូពេទ្យវៀតណាមដើម្បីវះកាត់យកខ្លាញ់ត្របកភ្នែកចេញ និងកែទំរង់មុខផងដែរ ហើយលោកក៏ទទួលបានជោគជ័យ។
កាលណោះលោកយក Filler មិនសុទ្ធចេញមិនបានអស់នោះទេ ព្រោះលោកមិនអាចវះកាត់ផ្ទួនៗគ្នាទាំងស្រុងនោះទេ ដូច្នេះទើបលោកត្រូវរង់ចាំរយៈពេល១០ខែដើម្បីវិលត្រលប់មកវៀតណាមម្តងទៀតដើម្បីវះកាត់យក Filler មិនសុទ្ធដែលសេសសល់នៅលើផ្ទៃមុខចេញអោយអស់ ជាពិសេសត្រង់បរិវេនផ្នែកចង្កា។ នេះគឺជាដំណាក់កាលក្នុងការវះកាត់របស់ Pros Khouch ហើយ តើទស្សនិកជនយល់ឃើញថា Pros Khouch ពិតជាទទួលបានសំរស់ធម្មជាតិច្រើនជាង រឺមួយយ៉ាងណា?
