កាលពីយប់ថ្ងៃទី១៧ ខែឧសភាកន្លងទៅនេះ សមាជិកក្រុម Polarix លោក Juvie Lin ដែលជា Producer មួយរូបរបស់កម្មវិធី The Rapper Cambodia បានធ្វើការបង្ហោះឡើងនូវវិដេអូ Teaser បទចម្រៀងថ្មីមួយនៅលើទំព័រហ្វេសប៊ុកផ្លូវការរបស់លោកដែលទើបតែបានបង្កើតឡើងកាលពីប៉ុន្មានថ្ងៃថ្មីៗនេះ។
គួរបញ្ជាក់ផងដែរថានេះគឺជាទំព័រហ្វេសប៊ុកផ្លូវការដំបូងរបស់លោក Juvie Lin ផ្ទាល់មានឈ្មោះថា Juvie ដែលត្រូវបានបង្កើតឡើងកាលពីថ្ងៃទី១៦ ខែឧសភាកន្លងទៅេនះ ដោយលោក Juvie Lin បានរៀបរាប់អោយដឹងឡើងនៅទំព័រហ្វេសប៊ុកថ្មីរបស់លោកថា «ទើបតែដឹងខ្លួនថាអត់មានផេកនឹងគេដែរ ទាល់តែ Norith បង្កើតផេកហើយ Anyway I got something really exciting to share with y'all. An honest project that I want to show you guys about me. Been working on this for a very long time.Stay tuned...Welcome to Juvie Verse»។
ម្ល៉ោះហើយទើបកាលពីយប់ម្សិលមិញនេះ លោក Juvie Lin ក៏បានចែករំលែក Teaser បទចម្រៀងថ្មីរបស់លោក ដោយបានសរសេររៀបរាប់បញ្ជាក់ឡើងថា«ចង់ឱ្យតែឆាប់ៗចេញទេ តែអត់ទាន់ដល់ពេល ចាំបន្ដិចទៀតបានស្ដាប់ full ហើយ #Juvie #JuvieVerse»។
គួរកត់សម្គាល់ថាកន្លងមកបទចម្រៀងមុនៗរបស់លោក រួមជាមួយនឹងលោក Norith គឺត្រូវបានទំលាក់ឡើងក្នុងទំព័រហ្វេសប៊ុកផ្លូវការរបស់ក្រុមចម្រៀង Polarix ផ្ទាល់។ ចំណែកកាលពីពេលថ្មីៗនេះ លោក Juvie Lin ក្រៅពីការងារផលិតបទចម្រៀង លោកក៏មមាញឹកក្នុងការងារជា Producer ត្រៀមរៀបចំកម្មវិធី The Rapper Cambodia ចូលរួមសម្តែងការប្រគំតន្រ្តីនានា និងការ Cover បទចម្រៀងមួយចំនួនផងដែរ។ តើទស្សនិកជនយល់ឃើញយ៉ាងណាដែរចំពោះបទចម្រៀងថ្មីៗរបស់លោក Juvie Lin ក៏ដូចជាក្រុម Polarix កន្លងមកនេះ?
