ក្រោយពីមានការប្រកាសធ្វើកម្មវិធីជួបជុំជាមួយបណ្តាអ្នកគាំទ្រ និងការប្រគុំតន្រ្តីលើកទី១ខ្នាតធំនៅផ្សារទំនើបអ៊ីអនសែនសុខ កញ្ញាទេពបូព្រឹក្សបានពាំនាំមកជាមួយដំណឹងពិសេសថ្មីមួយទៀតអំពីការចេញផ្សាយនូវបទចំរៀងថ្មីនៅក្នុងអាល់ប៊ុម​​​ Top of Lady ក្នុងពេលឆាប់ៗនេះ។ កញ្ញាទេពបូព្រឹក្សបានបង្ហាញនូវ Teaser ចំនួនពីរសំរាប់មុនពេលចេញផ្សាយបទចំរៀងនេះជាផ្លូវការ។ ផ្តើមចេញពី Teaser X ដែលមានផ្ទាំង Poster រចនាឡើងហាក់ដូចជាមានលក្ខណៈ Sci-fi និង Dope មែនទែននៅក្នុងមជ្ឃមណ្ឌលកំសាន្តមួយរួមជាមួយនឹង Script Line​​​ ថា I don’t need a boy, I need one more និងរំលេចចំណងជើងបទចំរៀងថា One More។ 

ចំនែកនៅលើ Teaser Y វិញ ដែលជា Clip Video Teaser រយៈពេល១៧វិនាទី បានបញ្ចេញច្រើនជាងមុនបន្តិចអាចអោយយើងដឹងបានថាបទភ្លេងនៃចម្រៀងលើកនេះរបស់កញ្ញាទេពបូព្រឹក្សគឺជាចង្វាក់ Pop។ កញ្ញាទេពបូព្រឹក្សក៏បានបញ្ជាក់ផងដែរថាMVបទចំរៀង One More នេះនឹងធ្វើការចាក់ផ្សាយពេញជូនមុនសំរាប់អ្នកគាំទ្ររបស់នាងដែលអញ្ជើញចូលរួមនៅក្នុង Tep Boprek Fan Meeting Party និងការប្រគុំតន្រ្តីលើកទី១ នៅក្នុងថ្ងៃទី១៤ ខែសីហា ខាងមុខនេះ។ 

បន្ថែមទៅលើនេះកញ្ញាទេពបូព្រឹក្សក៏បានបញ្ចេញតារាងបទចំរៀងសំរាប់យកទៅសម្តែងក្នុងកម្មវិធីនេាះផងដែរ ដែលនៅក្នុងនេាះរួមមានបទវីរនារី My សង្សា Hello Fox, Make it twerk, Trap Queen, Turn it up, BAB និងបទផ្សេងៗទៀត។ មិនតែប៉ុណ្ណោះក៏មានការសម្តែងពិសេសដូចជាបទ OneMore និង Devil ព្រមទាំងមានការចូលរួមរួមសម្តែងពីសិល្បករពិសេសម្នាក់ទៀតដែលនៅមិនទាន់ដឹងច្បាស់ថាជានរណា។ ចុះទស្សនិកជនគិតថាជាសិល្បកររូបណាទៅ? Let Me know in the comment Below!