កាលពីថ្ងៃទី២០ ខែមីនាកន្លងទៅនេះ តារាចម្រៀង Pop & Hip Hop លោកវណ្ណចេស្តា ដែលជាដៃគូដើររួមក្រុមស្និទ្ធស្នាលជាមួយនឹងលោកថេណា និងលោក Glomyy Vincent បានធ្វើការទំលាក់បទចម្រៀងថ្មីមួយបទរបស់លោកមានចំណងជើងថា«ថាមិនចូលផ្ទះទេ» សំរាប់អបអរនៅក្នុងឳកាសបុណ្យចូលឆ្នាំខ្មែរខាងមុខនេះ។ គួរបញ្ជាក់ផងដែរលោកវណ្ណចេស្តាគឺជាអតីតបេក្ខភាពជ័យលាភី Cambodia Got Talent កាលពីឆ្នាំ២០១៥ មកកាន់វគ្គ Semi Final ផងដែរ ដែលកាលណោះលោកបានបង្ហាញសមត្ថភាពលើការរ៉េបដ៏អស្ចារ្យ។ កាលពីពេលថ្មីៗនេះផងដែរលោកវណ្ណចេស្តា និងលោក Glomyy Vincent ក៏ទើបតែបានបញ្ចេញរូបភាពសកម្មភាពចូលរួមនៅក្នុងកម្មវិធី PMA 2023 ជាមួយនឹងលោក Glomyy Vincent ផងដែរ ដោយលោកវណ្ណចេស្តាត្រូវបាន Nominate ជាបេក្ខភាពពានរង្វាន់ អាល់ប៊ុមចម្រៀងប្រចាំឆ្នាំ ខណៈដែលលោក Glomyy Vincent ត្រូវបាន Nominate ជាបេក្ខភាពសិល្បករ-សិល្បការិនីថ្មីប្រចាំឆ្នាំ។កាលពីឆ្នាំទៅលោកវណ្ណចេស្តាបានចូលរួមការសម្តែងមួយចំនួនជាមួយនឹងក្រុមសហការរបស់លោកដែលមានលោកថេណា និង Glomyy Vincent នៅតាមបណ្តា Pub ធំៗមួយចំនួនដូចជាការឡើងសម្តែងនូវបទ«ស្ទាវខេត្ត»របស់ពួកគេនៅក្នុងកម្មវិធីចាក់ផ្សាយបន្តផ្ទាល់ការប្រកួត FIFA World Cup ជាដើម។ កត់សម្គាល់ឃើញថាសំរាប់ការចេញផ្សាយបទចម្រៀងថ្មីរបស់លោកមួយនេះត្រូវបានធ្វើឡើងបន្ទាប់ពីការចេញផ្សាយនៃបទចំរៀង«មនុស្សពិសេស (SS) របស់លោក Glomyy Vincent មុននេះបន្តិច ខណៈដែលលោកថេណាមិនទាន់បានបញ្ចេញគំរោងបទថ្មីនៅឡើយទេចាប់តាំងពីបទ She Bad ចាប់តាំងពី៤ខែកន្លងមក។ តើទស្សនិកជនគាំទ្រក្រុមតារាចម្រៀង Pop ទាំងនេះទេ តោះខមមែនប្រាប់អេដមីនម្នាក់មួយផងណា!