លោក Juvie Lin និងលោក Norith នៃក្រុម Polarix របស់បារមីបង្ហាញខ្លួនជាថ្មីនៅក្នុងបទ "ចាប៉ី"។ កាលពីថ្ងៃទី២៣ ខែវិច្ឆិកាកន្លងទៅនេះ ដៃគូចម្រៀងភ្លោះសង្ហានៃក្រុម Polarix បានធ្វើការទំលាក់វិដេអូរាំខ្លីរបស់ខ្លួននៅក្នុងបទចម្រៀងថ្មីដែលមានចំណងជើងថា "ចាប៉ី" នៅលើបណ្តាញសង្គម TikTok និងហ្វេសប៊ុក។ តាមរយៈវិដេអូមួយនេះធ្វើអោយទស្សនិកជនមានការចាប់អារម្មណ៍មិនធម្មតាជាខ្លាំងព្រោះបទ "ចាប៉ី" នេះមានលាយឡំលក្ខណៈបែបខ្មែរផ្សារភ្ជាប់ជាមួយភ្លេងហ៊ីបហប់ និងភ្លេងបុរាណខ្មែរ ធ្វើអោយចង្វាក់ភ្លេង និងខ្លឹមសារកាន់តែពិរោះ​​​និងមានភាពទាក់ទាញ។ 

កត់សម្គាល់ឃើញថាទាំង Artwork និងបច្ចេកទេសកាត់ត Intro នៃបទចម្រៀង "ចាប៉ី" នេះក៏គួរអោយចាប់អារម្មណ៍ផងដែរជាក់ស្តែងឃើញថា រូបភាព Artwork នៃបទចម្រៀងមួយនេះដែលក្រុម Polarix បញ្ចេញមកមានភាពច្នៃប្រឌិតខ្លាំងណាស់គឺជាក្រាហ្វិករូបភាពសខ្មៅហាក់ដូចជាក្ន្នុងគំនូរជីវចលអ្វីម្យ៉ាង និងមានបង្កប់អត្ថន័យអ្វីមួយដែលនៅមិនទាន់បានស្រាយជូនទស្សនិកជននៅឡើយ។ គួរបញ្ជាក់ផងដែរក្រុម Polarix ក៏មានគំរោងធ្វើ Q&A ទាក់ទងនឹងបទ "ចាប៉ី" នេះផងដែរសំរាប់នៅពេលក្រោយចេញផ្សាយបទចំរៀងមួយនេះនៅថ្ងៃទី២៥ ខែវិច្ឆិកាខាងមុខនេះ។ ដូច្នេះទស្សនិកជនដែលមានសំណួរចង់សួរពួកលោកអាចចូលទៅខមមែនសួរនៅខាងក្រោយការបង្ហោះ Q&A របស់លោកបាន។​​​