កាលពីថ្ងៃទី៥ ខែមេសាកន្លងទៅនេះ សិល្បករនៃក្រុមបារមី ក្រុម Polarix បានចេញផ្សាយបទចម្រៀងថ្មីរបស់ខ្លួនសំរាប់រដូវការចូលឆ្នាំដែលមានចំណងជើងថា«សង្ក្រាន្ត Jersey(ម៉ាក់Meម៉ាក់You)»។ សង្កេតឃើញផងដែរថា បទចម្រៀងចូលឆ្នាំរបស់ពួកគេមួយនេះ មានប្រើនូវចង្វាក់ Jersey យ៉ាងឡូយប្លែកតែម្តង ដែលធ្វើអោយបណ្តាអ្នកគាំទ្រមួយចំនួនយល់ឃើញថាផលិតកម្មបារមីមួយរយៈចុងក្រោយនេះរាប់ចាប់តាំងពីបទ«Chapter 1» មក កាន់តែពេញនិយមប្រើចង្វាក់ Jersey មកក្នុងបទចម្រៀងថ្មីៗទៀតរបស់ខ្លួន។ គួរអោយចាប់អារម្មណ៍មួយទៀតផងដែរថា បទចម្រៀងនេះទៀតសោតក៏ត្រូវបានចូលរួមសហការតែងនិពន្ធឡើងដោយលោក The Homie ផងដែរ ដែលជាសិល្បករមកពីក្រុម WassGood Music និងកំពុងពេញនិយមជាមួយនឹងបទចម្រៀងចង្វាក់ Drill របស់លោកមួយចំនួនដូចជា បទ«Drill ស្នេហា» «បទឆ្នាស់» និងបទ«ចូលឆ្នាំចាំចូលបេះដូងជាដើម»។ អាស្រ័យហេតុនេះកត់សម្គាល់ឃើញថា បទចម្រៀង«សង្ក្រាន្ត Jersery(ម៉ាក់ Me ម៉ាក់You)» របស់ក្រុមPolarix មួយបទនេះ មានបញ្ចូលនូវធាតុផ្សំគ្នានូវរសជាតិជាច្រើនផងដែរ ទាំងចង្វាក់ញាក់បែបខ្មែរ និងប្រើស្ទាយល៍ចង្វាក់ Jersery ហើយមានលាយបញ្ចូលទាំងចង្វាក់ Drill ដែលកំពុងពេញនិយមថែមទៀតផង។ ចំណែកតាមរយៈប្លង់ថតវិញ ឃើញថាលោក Norith និងលោកJuvie Lin បានបង្ហាញក្បាច់រាំរបស់ពួកលោកមួយអស់ដៃតែម្តងនៅតាមទីតាំងនីមួយៗ ដែលកាន់តែបង្កើនភាពសប្បាយរីករាយ និងយ៉ាងកំប្លុកកំប្លែង ដែលធ្វើអោយទស្សនិកជនបានលាន់មាត់សរសើរពីទេពកោសល្យសិល្បៈរបស់ពួកលោកទាំងពីរខ្លាំងណាស់។ ចុះទស្សនិកជនយល់ឃើញយ៉ាងណាដែរចំពោះបទសង្ក្រាន្តចូលឆ្នាំចង្វាក់ Jersey មួយបទនេះ?
