I don’t tell you lie, if you like the weekend, you’re gonna like this one! Polarix ទើបតែបានបង្ហាញរបកគំហើញរសជាតិថ្មីជាមួយនឹងប្រភេទតន្រ្តីបែប Cambodian 80’s Synth-Pop តាមរយៈបទ «ដោះលែង» របស់ខ្លួនកាលពីថ្ងៃទី២៣​​​ ខែធ្នូកន្លងទៅ។ ជាមួយនឹងបទចម្រៀងថ្មីមួយបទនេះពិតជាផ្តល់អារម្មណ៍ប្លែក ប្រសិនបើអ្នកទាំងអស់គ្នាបានស្តាប់ Lyric ហើយនឹងធ្វើអោយក្តុកក្តួលនិងឈឺចាប់ចង់យំ តែចំណែកឯបើ Melodyនិង Vibe អាចនឹងធ្វើអោយអ្នករាំ in the middle of the night។ ចំពោះបទចម្រៀងមួយនេះ សមាជិក Polarix ទាំងពីរនាក់ក៏បានបង្ហាញក្បាច់រាំរបស់ពួកលោកថែមលើបទចម្រៀងនេះ។ 

សំរាប់ទស្សនិកជនដែលចង់រៀនរាំតាមពួកលោកក៏អាចចូលទៅទស្សនា Choreography ផ្ទាល់នៃការរាំបទ«ដោះលែង»មួយនេះនៅលើទំព័រហ្វេសប៊ុកផ្លូវការរបស់ពួកគេ។ មិនតែប៉ុណ្ណោះ M/V នៃបទចម្រៀងនេះទៀតសោតក៏ទទួលបានការកោតសរសើរជាច្រើនពីទស្សនិកផងដែរ បូករួម Laura Mam និងSophia Kao ផងដែរ។ កាលពីកន្លងទៅនេះអ្នកទាំងពីរក៏បានផ្តល់តម្រុយខ្លះៗថាក្នុងពេលខាងមុខឆាប់ៗពួកគេមានគំរោងទំលាក់បទចម្រៀងថ្មីរបស់ខ្លួនមួយបទទៀតសំរាប់ឳកាសឆ្លងឆ្នាំនេះផងដែរ។